Արցախի հանրային հեռուստաընկերությունը ռեպորտաժ է պատրաստել այս պահին էլ հակառակորդի կողմից հրթիռակոծվող Շուշիից։
Շուշիում կյանքը նկուղներ է տեղափոխվել։ Դրսում նրանք են, ովքեր անհետաձգելի աշխատանք ունեն։
Հրթիռակոծության ակտիվությամբ հատկապես վերջին երկու օր են առանձնացնում։ Օդային տագնապի ազդանշանն արդեն երկրորդ օրն է՝ գրեթե չի լռում։
«Երեկ ցերեկն է սկսել, մենք հաց էինք բաժանում ժողովրդին։ Հետո գիշերն էլ շարունակվեց, նույնը՝ առավոտը»,- պատմում է քաղաքացին։
Գիշերվա ընթացքում եւ վաղ առավոտից Շուշին շարունակվում է ռմբակոծվել, հիմնականում թիրախավորվում են քաղաքի ծայրամասային հատվածները, բայց ռումբեր են ընկել նաեւ քաղաքի կենտրոնական հատվածներում։ Բերդաքաղաքի հրթիռակոծումը շարունակվում է։
