News
Լրահոս
News
Երեքշաբթի
Օգոստոս 09
USD
406.61
EUR
414.38
RUB
6.73
Տեսնել լրահոսը

Ներքին «բայրաքթարները» թուրքականից վտանգավոր: Ես տեսնում եմ, որ ներքին կյանքում այլ պրոցեսներ են ընթանում: Այս մասին այսօր Ազգային ժողովում ավանդական ճեպազրույցների ժամանակ ասաց «Իմ քայլի» պատգամավոր, ԱԺ Պաշտպանության եւ անվտանգության հարցերի մշտական հանձնաժողովի ղեկավար Անդրանիկ Քոչարյանը՝ մեկնաբանելով ՀՀ նախկին վարչապետ Վազգեն Մանուկյանի հայտարարությունը:

Պատգամավորը նշեց, որ խոսքը Վազգեն Մանուկյանի կոչի եւ նրան միացած «կենդանի բայրաքթարների» մասին է, որոնց Քոչարյանն ավելի վտանգավոր է համարում:

Նրա խոսքով՝ նման կոչը շատ ավելի վտանգավոր է նրանով, որ արվել է հոկտեմբերի 27-ին: Նշենք, որ 1999 թվականին այդ օրը Հայաստանի խորհրդարանում ահաբեկչություն է տեղի ունեցել:

Քոչարյանը նաեւ հավելեց, որ ուժերը, որոնք մերժվել են ժողովրդի կողմից, ոչ մի կերպ չեն կարողանում հանգստանալ:

Հիշեցնենք, որ ՀՀ նախկին վարչապետ եւ պաշտպանության նախկին նախարար Վազգեն Մանուկյանը կառավարությանը կոչ է արել հրաժարական տալ եւ իշխանությունը փոխանցել բանակին: Քաղաքական գործչի հայտարարության մեջ ասվում է, որ չնայած ժողովրդի հերոսական պայքարին՝ ներկայիս շրջանը «պատմության ամոթալի եւ կործանարար էջերից մեկն է», եւ «սպառնալիքի տակ է գտնվում ոչ միայն Ղարաբաղը, այլ նաեւ Հայաստանն ու ժողովրդի ապագան»:

Մանուկյանի հայտարարությանն արձագանքել են ՀՀ պաշտպանության նախարարությունն ու Զինված ուժերի գլխավոր շտաբը, որոնց համատեղ հայտարարության մեջ խստորեն դատապարտվում է Հայաստանի Հանրապետության քաղաքական ղեկավարության եւ Զինված ուժերի միջեւ հակասություններ սերմանելու որոշ քաղաքական շրջանակների փորձերը:    

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գերիների հարազատները գիշերել են Կառավարության շենքի դիմաց
Գերիների հարազատները երեկ առավոտից նստացույց են սկսել եւ հանդիպում են պահանջում վարչապետ Նիկոլ Փաշինյանի հետ...
Պատերազմը ծածկադմփոց անելու օպերացիայում Արայիկը որպես «զոհ» իր կայուն տեղն ունենալու է․ Տիգրան Աբրահամյան
Արայիկ Հարությունյանի կերպարը պատասխանատվություն բարդելու համար իդեալական է․․․
Շիրակցի գերիների հարազատները Կառավարության շենքի դիմաց են. նրանք հանդիպում են պահանջում վարչապետի հետ
Գերիների հարազատները անցնող մեկուկես տարում պարբերաբար նստացույց են արել...
Ադրբեջանին փոխանցված քարտեզները զգալիորեն կրճատել են ականների հետ կապված մահացությունների թիվը․ Վլադիմիր Կարապետյան
Չնայած նրան, որ Ադրբեջանը հրապարակավ եւ բազմիցս բողոքել է այդ քարտեզների որոշ անճշտության մասով…
Արցախում վիրավորում ստացած ծայրահեղ ծանր վիճակում գտնվող զինծառայողի առողջական վիճակում դրական շարժ կա
Մյուս 9 զինծառայողներից 1-ի վիճակը գնահատվում է ծանր, 3-ինը՝ միջին ծանրության, մյուսներինը գնահատվում է թեթեւ...
Պեկինը հույս ունի, որ Երեւանն ու Բաքուն կվերացնեն տարաձայնությունները քաղաքական երկխոսության միջոցով
Նրա խոսքով՝ Պեկինը ուշադրություն հետեւում է շփման գծում իրավիճակի սրման մասին հաղորդագրություններին․․․
Ֆոտոռեպորտաժներ