News
Լրահոս
News
Ուրբաթ
Նոյեմբեր 27
USD
508.21
EUR
605.94
RUB
6.7
ME-USD
0.01
Տեսնել լրահոսը

Եվրախորհրդարանի պատգամավորները կոչ են անում անհապաղ եւ անվերապահ կերպով դադարեցնել ռազմական գործողությունները ղարաբաղյան հակամարտության գոտում` հետագա անդառնալի մարդասիրական աղետից խուսափելու համար: 

Համատեղ հայտարարության մեջ Եվրախորհրդարանի արտաքին հարաբերությունների հանձնաժողովի նախագահ Դեւիդ Մաքալիսթերը (ԵԺԿ), Եվրախորհրդարանի` Հայաստանի հարցով մշտական ​​զեկուցող Անդրեյ Կովաչովը (ԵԺԿ) եւ Եվրախորհրդարանի` Ադրբեջանի հարցով մշտական ​​զեկուցող Ժելյանա Զովկոն (ԵԺԿ) խստորեն դատապարտել են շարունակվող ռազմական գործողությունները:

«Հայաստանի եւ Ադրբեջանի արտգործնախարարների` Ժնեւում կայանալիք հանդիպման նախաշեմին մենք խստորեն դատապարտում ենք երկու երկրների միջեւ ընթացող ռազմական գործողությունները` հրադադարի ռեժիմի երեք համաձայնագրերի խախտմամբ, որոնք կնքվել են 2020 թվականի հոկտեմբերի 10-ին, 17-ին եւ 25-ին միջազգային հանրության շարունակական ջանքերի շրջանակներում: Միջազգային հանրության դերը պետք է կայանա խաղաղության որոնման եւ պատերազմող երկրների միջեւ բանակցություններին աջակցման մեջ: Ռազմական բախումներն արդեն իսկ քաղաքացիական ահռելի եւ անիմաստ զոհերի եւ տառապանքների են հանգեցրել: Մենք ցավակցություն ենք հայտնում եւ կարեկցում ենք բոլոր նրանց, ովքեր կորցրել են իրենց սիրելիներին եւ ստիպված են վախով ապրել իրենց կյանքի համար: Մենք կոչ ենք անում անհապաղ եւ անվերապահ կերպով դադարեցնել ռազմական գործողությունները` հետագա անդառնալի մարդասիրական աղետից խուսափելու համար: Քաղաքացիական բնակչության կյանքի պաշտպանությունը պատերազմող երկու կողմերի պարտականությունն է, որը բխում է միջազգային իրավունքից: Պետք է երաշխավորվի մարդասիրական առաքելությունների ազատ եւ անարգել մուտքը հակամարտության գոտի` կարիքավոր մարդկանց օգնություն տրամադրելու համար:

Մենք նաեւ կոչ ենք անում հրադադարի պահպանման վերահսկման արդյունավետ միջազգային մեխանիզմ ներդնել: Մենք Հայաստանին եւ Ադրբեջանին կոչ ենք անում շուտափույթ վերսկսել առարկայական բանակցությունները` Մինսկի խմբի համանախագահների հովանու ներքո եւ համաձայնեցված հիմնական սկզբունքների հիման վրա: Մենք տարածաշրջանային բոլոր մասնակիցներին կոչ ենք անում աջակցել բանակցություններին երկու կողմերի կողմից ընդունված այս ձեւաչափի շրջանակներում եւ հրատապ եւ անհրաժեշտ քայլեր ձեռնարկել` տեւական խաղաղության հասնելու համար»:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բերձորը տրվելու է Ադրբեջանին, մեր երեխեքը մնալու են գերի․ ժամկետային զինծառայողների ծնողները մտահոգված են
Պատերազմի ավարտից հետո էլ զինծառայողներին սպառնում է գերությունը...
ՀՀ-ում հետախուզում է հայտարարվել ադրբեջանական «Քարաբաղ» ֆուտբոլային ակումբի խոսնակի նկատմամբ
ՀՀ քննչական կոմիտեի քրեագիտական վարչությունում շարունակվում է Արցախի Հանրապետության շփման գծի ողջ երկայնքով Ադրբեջանի Հանրապետության ռազմաքաղաքական…
Ստեփանակերտում պատերազմից հետո բացվեց առաջին դպրոցը. շուտով բացվելու է նաեւ համալսարանը (ֆոտո)
Շուտով բացվելու է նաեւ համալսարանը…
Ղարաբաղում հայտարարել են, որ Բաքուն Հայաստանին է հանձնել հինգ զինվորականների դիերը Հադրութից
«Այսօր հայկական կողմին հինգ դի է հանձնվել Հադրութից: Իսկ թե որ հատվածից, դեռ հայտնի չէ...
Փաշինյանը հոգեկան խանգարումներ ունի, հիվանդ է, չգիտի՝ ինչ է բանակը, ինչ է պատերազմը. Մովսես Հակոբյան. Tert.am
Ինձ համար մտահոգիչ չէ, թե իրավապահներին ինչ պիտի ասի, որ անեն, ինձ համար մտահոգիչ է հայրենիք կորուստը, ինչը արդեն փաստ է...
Զինծառայողների հարազատները բողոքի ակցիա են անում Կառավարության դիմաց (ուղիղ)
Ամեն անգամ զանգելուց ասում են՝ ի՞նչ նորություն կա․․․