News
Լրահոս
News
Չորեքշաբթի
Դեկտեմբեր 02
USD
506.98
EUR
607.41
RUB
6.66
ME-USD
0.01
Տեսնել լրահոսը

Մեզ` Yerevan.Today-ին այսօր հերթական անգամ ոստիկանությունը տուգանեց, ըստ իրենց՝ պետական եւ ռազմական անվտանգությանը սպառնալիք հանդիսացող հոդվածների համար։ 4 տուգանք՝ միանգամից։ Այս մասին ֆեյսբուքյան իր էջում գրել է Yerevan.Today-ի խմբագիր Սեւակ Հակոբյանը։

«Մեզ` Yerevan.Today-ին այսօր հերթական անգամ ոստիկանությունը տուգանեց, ըստ իրենց՝ պետական եւ ռազմական անվտանգությանը սպառնալիք հանդիսացող հոդվածների համար։ 4 տուգանք՝ միանգամից։ Ու որո՞նք էին այդ՝ իբր տեղադրված հոդվածները․ ՀՀ նախկին վարչապետ, պաշտպանության նախկին նախարար Վազգեն Մանուկյանի առաջարկին դրական գնահատական տված երեք գործիչների՝ նախկին վարչապետ Խոսրով Հարությունյանի, քաղաքագետ Բենիամին Մաթեւոսյանի, դերասան Վիգեն Ստեփանյանի արձագանքներն էին։ Մեկ արձանագրություն էլ կազմվեց, ուշադրություն՝ ռուսաստանաբնակ հայ գործարար եւ բարեգործ Սերգեյ Համբարձումյանի՝ ՀՀ վարչապետին ուղղված բաց նամակը իբր տեղադրելու համար։ Հնարավոր է՝ ոմանք չգիտեն, բայց նա այն հայրենասեր մարդն է, ում նախաձեռնությամբ եւ միջոցներով վերանորոգվել եւ կառուցվել են մեր երկրում հզոր կառույցներ՝ Մատենադարանի նոր մասնաշենքը, Իսակովի պողոտայի վրա գտնվող սահադաշտը, նրա ֆինանսական միջոցներով մեր երկրում կատարվել են բազմապիսի ներդրումներ, բարեգործական ծրագրեր, այսօր էլ կատարվում են պատերազմի կարիքների համար մեծաքանակ թե՛ հանգանակություններ, թե՛ ուղղիղ օգնություն։ Ու այս մեծատառով մարդու բաց նամակը հրապարակելու համար լրատվամիջոցը տուգանվում է։

Շառլ Ազնավուրի բախտը բերել է, որ ողջ չէ, թե չէ իր հայտարարությունները եւս կդառնային տուգանքի ենթակա՝ «պետական անվտանգությանը սպառնալիք» դրոշմով։

Մեզ տուգանեցին 2 միլիոն 8 հարյուր հազար դրամով, մեկ անգամ էլ տուգանել էին 700 հազար դրամով։ Ու աբսուրդը գիտե՞ք որն է․ գրելու համար մեզ տուգանում են, տեղական լրատվամիջոցներին արգելում են խոսել, բայց մեզանում չի արգելվել ֆեյսբուքը, չեն արգելափակվել ադրբեջանական կայքերը․ Հայաստանում անխափան մուտք կա դեպի «Հաքին․ազ» եւ թշնամու մյուս կայքերը, որոնք ամբողջությամբ ատելության խոսք են տարածում, Հայաստանում ԱՄՆ պետդեպի փողերով ակտիվ աշխատում է «Ազատություն» ռադիոկայանը, անգամ մտել է կաբելային հեռուստացանց, ու օրը մի քանի անգամ եթեր է տալիս Ալիեւի հարցազրույցը, որտեղ մեր երկրին ղեկավարին ինչ ասես ասում է այդ տականքը։ Հրադադարի խախտումները տալիս է որպես ընդամենը Հայաստանի հայտնած տեղեկություն, ոչ թե իրողություն։ Նրանք անվտանգության սպառնալիք չեն, անվտանգության սպառնալիք է Արցախն ու Հայաստանը փրկելու կոչերը, Սերգեյ Համբարձումյանի բաց նամակը վարչապետին»,- գրել է նա։

Տպել
Կարդացեք նաև
Ամբողջը
Հարձակվել են «Երկիր Մեդիա» հեռուստաընկերության օպերատորի վրա
Սա ոստիկանության կողմից խոսքի ազատության դեմ հերթական ոտնձգությունն է, որի հիմքում…
Ոստիկաններն ուժ կիրառեցին նաեւ լրագրողների նկատմամբ
Փաշինյանի հրաժարականը պահանջով ակցիա իրականացնելու ընթացքում ոստիկանների կողմից ուժ կիրառվեց նաեւ լրագրողների…
Զինվորների ծնողներին խաբել են, որ լրատվամիջոցների ներկայության դեպքում ձեր երեխաների համար վատ կլինի. Հ.Հարությունյան
Ռազմագերիների և անհետ կորածների հարազատների հետ վարչապետի հանդիպմանը լրատվամիջոցները չեն մասնակցել...
Դանիայում պարբերականին տուգանել են Ջրահարսի հուշարձանի ծաղրանկարի հրապարակման պատճառով
Պարբերականի դեմ գործը նախաձեռնել են հուշարձանի հեղինակի՝ քանդակագործ Էդվարդ Էրիքսենի ազգականները․․․
Ճնշումների ենթարկվեցին այն լրատվամիջոցները, որոնք փորձ արեցին ճշմարտության մասին խոսել. Միհրան Հակոբյան
Ինձ մի քանի անգամ ապօրինի բերման են ենթարկել ոստիկանության բաժին, մեկ անգամ էլ ինձ ձերբակալեցին, կրկին անգամ ապօրինի, որը հենց դատարանը արձանագրեց, որ ապօրինություն է, որեւիցե հիմք չկար ձերբակալության համար…
Թրամփը մեղադրել է «ֆեյքային ԶԼՄ-ներին» COVID-19-ի անվերահսկելի տարածման փաստի մասին լռելու մեջ
Ֆեյքային ԶԼՄ-ները մշտապես «մոռանում» են նշել, որ Covid-ի հետեւանքով շատ ավելի քիչ մարդ է մահանում…
Ամենաշատ