News
Լրահոս
News
Չորեքշաբթի
Դեկտեմբեր 02
USD
506.98
EUR
607.41
RUB
6.66
ME-USD
0.01
Տեսնել լրահոսը

Առողջապահական և աշխատանքի տեսչական մարմինն այսօր համաժամանակյա ուժեղացված ստուգայց է անցկացրել Երևանի ողջ տարածքում։ Շուրջ 250 անակնկալ ստուգայցի միջոցով մայրաքաղաքի բոլոր վարչական շրջաններում միաժամանակ դիտարկվել է՝ որքանո՞վ են  ամենատարբեր ոլորտներում գործող տնտեսավարողների կողմից պահպանվում համավարակի տարածումը կանխելու նպատակով հաստատված անվտանգության նորմերը։

Ստուգայցին ԱԱՏՄ գլխամասի ու Երևանի տարածքային կենտրոնի մասնագետներից բացի ներգրավվել են նաեւ մարզային ստորաբաժանումների խմբերը, ընդհանուր՝ շուրջ 5 տասնյակ աշխատող։ «Խոշորացույցի» տակ են առնվել մանրամեծածախ առեւտրի տասնյակ կենտրոններ, դեղատներ, վարսավիրանոցներ, գրասենյակներ։

Ուշագրավ է, որ այսօր ԱԱՏՄ ստուգայցերը կորոնավիրուսի տարածումը կանխելու անվտանգության կանոնների  լուրջ, համակցված խախտումներ չեն արձանագրել։  Վերջին շրջանում եւս արձանագրվող թերություններն առավելապես ենթակա են տեղում շտկման, եւ ԱԱՏՄ տեսուչների կողմից դրանք անհապաղ վերացնելու ցուցում է տրվում։

Հիմնականում չեն պահպանվում ախտահանման և ջերմաչափման, դրանց գրանցամատյանների պատշաճ վարման, ժամը 10-12-ին միայն տարեցներին սպասարկման ու դրանից առաջ տարածքի ախտահանման, դիմակները պատշաճ չկրելու, փակվող՝ ոտնակով աղբաման ունենալու կանոնները։ Երբեմն նշանակված չեն լինում COVID-19 տարածման հսկողության պատասխանատուներ։

Առավել մտահոգիչ է քաղաքացիների կողմից դիմակ չկրելը կամ ճիշտ չկրելը։

ԱԱՏՄ ուժեղացված վերահսկողական աշխատանքները սկսվել են դեռ արտակարգ դրության շրջանում․ միայն այդ ընթացքում կորոնավիրուսի տարածումը կանխելու նպատակով իրականացվել է 23.144 մշտադիտարկում։ Դրանց արդյունքում արձանագրվել են անվտանգության կանոնների ոչ լիարժեք պահպանման բազմաթիվ խախտումներ։ Վերջինների հիմքով կայացվել է տնտեսավարող սուբյեկտների գործունեության ժամանակավոր կասեցման 2.866 որոշում:

Ուժեղացված ստուգայցերը շարունակվում են նաեւ ներկայում՝ կարանտինի շրջանում՝ հիմք ընդունելով ՀՀ ԱՆ N 17-ն հրամանով սահմանված նորմերը․ սեպտեմբերի 11-ից արդեն իրականացվել է շուրջ 1800 ստուգայց։

Տնտեսավարող սուբյեկտի մոտ խախտում արձանագրելու դեպքում անհապաղ կազմվում է վարչական իրավախախտման արձանագրություն, տրվում է հանձնարարագիր՝ ողջամիտ ժամկետում վերացնելու արձանագրված խախտումները։ Կրկնակի կամ լուրջ խախտումների արձանագրումը ենթադրում է տուգանքի նշանակում։

Հատկապես ռազմական դրության շրջանում երկրում ստեղծված վիճակն արտակարգ զգոնություն է պահանջում․ ԱԱՏՄ ուժեղացված ստուգայցերն ամեն օր են եւ ամենուր։

Տպել
Կարդացեք նաև
Ամբողջը
ՄԱԿ ՄՀՀԳ-ն հաջորդ տարվա համար «մռայլ» կանխատեսում է արել
Դա տեղի է ունենում կորոնավիրուսի պանդեմիայի եւ գլոբալ խնդիրների պատճառով, ներառյալ՝ հակամարտություններ, հարկադրված ներգաղթ եւ գլոբալ տաքացման ազդեցություն...
ԱՄՆ-ում մեկ օրում հայտնաբերվել է COVID-19-ի ավելի քան 157 հազար նոր դեպք
COVID-19-ի հետեւանքով մահացել է 1 172 մարդ․․․
Մերկելը չի բացառել Գերմանիայում կորոնավիրուսի նոր ալիքը
Ռոբերտ Կոխի ինստիտուտի տվյալներով՝ վերջին մեկ օրում Գերմանիայում կորոնավիրուսի դեպքերի թիվն աճել է 13 604-ով․․․
Թուրքիայում կարգելեն հանգստյան օրերին փողոց դուրս գալ, իսկ աշխատանքային օրերին պարետային ժամ են մտցնում
Միջոցառումների նոր շարքի շրջանակում մինչեւ 20 տարեկան երիտասարդներին եւ 65-ն անց տարեցներին արգելված է օգտվել հանրային տրանսպորտից․․․
Թուքիայում գրանցվել են մեկ օրում կորոնավիրուսի հետեւանքով ռեկորդային թվով մահվան դեպքեր
Թուրքիայի մի շարք շրջաններում, այդ թվում Ստամբուլում, համավարակը հասել է երրորդ պիկին․․․
Ռուսաստանում մեկ օրում կորոնավիրուսից մահացել է 569 մարդ. դա առավելագույն ցուցանիշ է պանդեմիայի սկզբից
Ռուսաստանում կորոնավիրուսով վարակվածների թիվը մեկ օրում ավելացել է 26 402-ով՝ հասնելով 2 322 056-ի՚..
Ամենաշատ