Մոսկվայի կենտրոնում գտնվող Պետրովկա փողոցում անհայտ անձը հարձակվել է ոստիկանության աշխատակիցների վրա, РБК-ին հայտնել է Մոսկվայում Ռուսաստանի քննչական կոմիտեի գլխավոր քննչական վարչության պետի ավագ օգնական Յուլյա Իվանովան:
Հետաքննության համաձայն՝ տղամարդը մի քանի հարված է հասցրել փողոցում պարեկություն իրականացնող ոստիկաններին: «Ներկայումս 1988թ. ծնված տղամարդը ձերբակալված է, նրա հետ կատարվում են անհրաժեշտ քննչական գործողություններ»,- ասել են գերատեսչությունում:
Դեպքի փաստով հարուցվել է քրեական գործ՝ իշխանության ներկայացուցչի նկատմամբ բռնություն գործադրելու հոդվածով (ՌԴ Քրեական օրենսգրքի 318-րդ հոդվածի 1-ին մաս): Առաջիկայում հետաքննությունը դատարանին կխնդրի գործով ներգրավված անձին կալանավորել:
Ավելի վաղ հարձակման մասին, ՏԱՍՍ-ին հղում անելով, հայտնել էր Baza Telegram-ալիքը: Նրանց տվյալներով՝ տղամարդը ոստիկանների վրա հարձակվել է Մոսկվայում ՆԳՆ գլխավոր վարչության շենքի մուտքի մոտ: Ըստ Baza-ի, ոստիկանության աշխատակիցների վրա հարձակվողը ծնունդով Դաղստանից է: Ըստ Telegram-ալիքի տվյալների՝ տղամարդը զինված չի եղել, բայց փորձել է ոստիկանության աշխատակիցներից մեկից ատրճանակը խլել: