Թուրքիայի ներքին գործերի նախարար Սուլեյման Սոյլուն եւ երկրի նախագահի պաշտոնական ներկայացուցիչ Իբրահիմ Կալինը հիվանդացել են կորոնավիրուսով: Այս մասին բարձրաստիճան պաշտոնյաները շաբաթ օրը, հոկտեմբերի 31-ին, հայտարարել են Twitter-ի իրենց էջերում, հաղորդում է «Իզվեստիան»:
Սոյլուի խոսքով՝ ինքը, իր կինն ու դուստրը վարակվել են կորոնավիրուսով: Ընտանիքը գտնվում է հիվանդանոցում՝ բժշկական հսկողության ներքո: Նախարարը ասել է, որ դեռեւս երկուշաբթի օրը թեստը դրական է եղել:
«Ես հասա կորոնավիրուսի բուժման վերջին փուլին, հիվանդությունը հեշտ անցավ»,- գրել է Կալինը: Նա շնորհակալություն է հայտնել բոլորին, ովքեր անհանգստացել են իր համար եւ աջակցել են հիվանդության ընթացքում:
Թուրքիայի ղեկավարի օգնականի խոսքով՝ այժմ ինքը լավ է զգում:
Հոկտեմբերին, ավելի վաղ, Թուրքիայի նախագահ Ռեջեփ Թայիփ Էրդողանը հայտարարել էր COVID-19-ի դեմ թուրքական պատվաստանյութի արտադրման ժամկետների մասին: Դեղը կարող է հայտնվել 2021 թվականի գարնանը: Ներկայումս հանրապետությունում հայտնաբերվել է կորոնավիրուսի ավելի քան 300 000 դեպք:
