ՀՀ պաշտպանության նախարարության ներկայացուցիչ Արծրուն Հովհաննիսյանը չի բացառում, որ Ադրբեջանը կարող է տվյալներ ստանալ տիեզերական հետախուզությունից:
Նոյեմբերի 2-ի երեկոյան կայացած ճեպազրույցում, պատասխանելով համապատասխան հարցին, Հովհաննիսյանը արձանագրեց Թուրքիայի լիարժեք օգնությունը, նրա վերահսկումը եւ ռազմական գործողությունների կառավարումը:
«Բայց սա աղետալի երեւույթ չէ: Մենք նույնպես ունենք հետախուզություն իրականացնելու որոշակի կարողություններ: Բացի այդ, հարցն այն չէ, թե ինչպես թույլ չտալ նրանց ինչ-որ բան տեսնել, այլ թե ինչպես խաբել նրանց»,- հավելեց Հովհաննիսյանը: