Դուբայի կառավարիչ շեյխ Մոհամմեդ բին Ռաշիդ Ալ-Մաքթումը կորոնավիրուսի դեմ փորձարարական պատվաստանյութով պատվաստվել է, հաղորդում է AFP-ը:
ԱՄԷ-ում երկու պատվաստանյութեր անցնում են փորձարկումների 3-րդ փուլը. մեկն արտադրվում է չինական Sinopharm դեղագիտական հսկայի կողմից, մյուսը՝ Sputnik-V ռուսական պատվաստանյութը:
«Մենք բոլորին անվտանգություն եւ ամուր առողջություն ենք մաղթում, եւ մենք հպարտ ենք մեր թիմերով, որոնք քրտնաջան աշխատում են՝ ԱՄԷ-ում պատվաստանյութը հասանելի դարձնելու ուղղությամբ»,-գրել է նա Թվիթթերի իր էջում:
Արտաքին գործերի նախարար շեյխ Աբդուլլահ բին Զայեդ Ալ-Նահայանն ու վարչապետի տեղակալ շեյխ Սայիֆ բին Զայիդ Ալ-Նահայանը եւս պատվաստվել են փորձարարական պատվաստանյութով: