Սոչիի Լազարեւյան շրջանի Վոլկոնկա գյուղում տեղադրվել է զորավար Անդրանիկի հուշարձանը, հաղորդում է Ռուսաստանի հայերի «Երկրամաս» թերթը:
Հայ համայնքի այս նախաձեռնությանն աջակցել են տարբեր, այդ թվում` ոչ հայկական կազմակերպություններ: Մասնավորապես` աջակցության հայտարարությամբ է հանդես եկել Կուբանի կազակների ասոցիացիայի խորհուրդը, Կրասնոդարի երկրամասի «Ուղղափառ հոգեւոր ժառանգություն» հկ-ն եւ այլն:
Հուշարձանի հեղինակը քանդակագործ Մարատ Մինասյանն է: Այն կառուցվել է հանգանակված միջոցներով: Պաշտոնական բացումը նախատեսվում է այսօր` մայիսի 28-ին` Հայաստանի Առաջին հանրապետության օրը: