Գերմանական կողմի նախաձեռնությամբ հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի եւ Գերմանիայի արտաքին գործերի դաշնային նախարար Խայկո Մաասի միջեւ, հայտնում է https://www.mid.ru/ru/foreign_policy/news/-/asset_publisher/cKNonkJE02Bw/content/id/4415450 Ռուսաստանի ԱԳՆ մամուլի ծառայությունը:
Ուշադրության կենտրոնում են եղել Դոնբասում ներուկրաինական հակամարտության խնդիրները: Քննարկվել են Շփման խմբում բանակցությունների ընթացքը եւ խաղաղ կարգավորման «նորմանդական ձեւաչափը»: Ընդգծվել է Կիեւի, Դոնեցկի եւ Լուգանսկի, որպես հակամարտության կողմերի, ուղղակի երկխոսության, ինչպես նաեւ Ռուսաստանի, Գերմանիայի, Ֆրանսիայի եւ ԵԱՀԿ միջնորդական ջանքերի անհրաժեշտությունը՝ Մինսկի միջոցառումների փաթեթը եւ Փարիզի «նորմանդական ձեւաչափի» գագաթաժողովի 2019թ. պայմանավորվածությունները կատարելու նպատակով:
Տեղի է ունեցել նաեւ Լեռնային Ղարաբաղի հակամարտության վերաբերյալ մտքերի փոխանակում: Հաստատվել է Ռուսաստանի, Ադրբեջանի եւ Հայաստանի արտգործնախարարների մոսկովյան հայտարարության մեջ ներառված պայմանավորվածությունների շուտափույթ կատարման անհրաժեշտությունը:
