Beringer AERO ընկերությունը հայտարարել է, որ դադարեցնում է իր դետալների մատակարարումները թուրքական անօդաչուների համար: Այդ մասին ասվում է ANCA-ին հասցեագրված նամակում:
Համաձայն տեղեկատվության՝ ընկերությունն ունի գրասենյակներ Գրինվիլում (Հարավային Կարոլինա, ԱՄՆ) եւ Թալարում (Ֆրանսիա):
Ընկերության հայտարարության մեջ ասվում է, որ Թուրքիայում մատակարարումը դադարեցվել է, երբ տեղեկատվություն է ստացվել ԱԹՍ-ների՝ Լեռնային Ղարաբաղում հայկական ուժերի դեմ օգտագարծման մասին, որոնց վրա տեղադրված են Beringer AERO-ի մասեր:
«Ընկերությունը ցանկանում է հետեւել իր էթիկային: Ընկերությունը երբեք թույլ չի տվել իր արտադրանքի օգտագործումը սարքերում, որոնք կարող են սպառնալ մարդու կյանքին»,-ասվում է հայտարարության մեջ: