Նախագահի կողմնակիցները համարում են, որ միանշանակ պարտության դեպքում Թրամփը պետք է գեղեցիկ հեռանա, որպեսզի պահպանի ազդեցությունը քաղաքականության մեջ, գրում է «Գոլոս Ամերիկի»-ն:
Երբ առաջատար ամերիկյան հեռուստաալիքները հայտարարել են, որ հաղթել է դեմոկրատ Ջո Բայդենը, գործող նախագահ Դոնալդ Թրամփը եւ նրա կողմնակիցները հասկացրել են, որ Հանրապետական կուսակցության թեկնածուն չի պատրաստվում ընդունել իր պարտությունն առաջիկայում:
Շաբաթ նախագահը հայտնել է, որ իրավաբանների թիվը պատրաստվում է բողոքարկել ձայների հաշվարկը մի շարք նահանգերում դատական կարգով: Թրամփը հույս ունի, որ այդ ռազմավարությունը թույլ կտա անվավեր ճանաչել նրա համար առանցքային նահանգներում ընտրությունների արդյունքները:
«Ակնհայտ փաստն այն է, որ այս ընտրությունները դեռ չեն ավարտվել: Բայդենը պաշտոնապես չի ճանաչվել հաղթող որեւէ նահանգում, առավելեւս նահանգներում, որտեղ անցկացվելու է ձայների վերահաշվարկ կամ որտեղ մեր արշավն ունի օրինական եւ հիմնավոր իրավաբանական պահանջներ: Դա կարող է պարզել վերջնական հաղթողին»-ասվում է Թրամփի հայտրարության մեջ, որը շաբաթ հրապարակել է նրա շտաբը:
Նախագահի կողմնակիցներն ու խորհրդականները մասնավոր կարգով խոստովանում են, որ ընտրությունների արդյունքները չեղարկելու Թրամփի շանսերը մեծ չեն:
«Նա պետք է շարունակի պահանջել ձայների վերահաշվարկ, ցանկացած պահանջ ներկայացնի, այնուհետեւ, եթե ոչինչ չփոխվի, նա պետք է զիջի»,-ասել է Թրամփի օգնականներից մեկը:
Reuter գործակալության աղբյուրները հայտնել են, որ հանրապետականները փորձում են հավաքել առնվազն 60 միլիոն դոլար դատավարությունը մի քանի նահանգում ֆինանսավորելու համար՝ հայտարարելով անարդար խաղի մասին եւ նվիրատվություններ հայթայթելով հովանավորներից: Հավաքված փողերի ավելի քան կեսը կուղղվի ընտրական քարոզարշավի պարտքերի մարմանը:
«Նա կկորցնի 2024 թվականին կրկին առաջադրվելու հնարավորությունը, եթե նրան համարեն սրտնեղած անհաջողակ»,-ասել է Կոնգրեսում Հանրապետական կուսակցության աղբյուրը:
Fox News-ի հաղորդավար Լորա Ինգրեմը՝ Թրամփի կողմնակիցներից մեկը, ուրբաթ կոչ է արել Թրամփին ընդունել անցանկալի արդյունքը, եթե այդպես լինի, սառնասրտորեն եւ գեղեցիկ: Wall Street Journal-ը, որն ավելի պահպանողական հայացքներ ունի, գրել է, որ Թրամփին պետք են ապացույցներ ձայների հաշվարկը կեղծելու մասին:
«Նախագահն իրավունք ունի չշտապել, որպեսզի գիտակցի տեղի ունեցածը: Հաղթանակը մոտ է եւ կառուցողական չէ անհապաղ խոստովանել պարտությունը»,-ասել է Ջորջ Բուշի վարչակազմի Սպիտակ տան մամուլի քարտուղար Արի Ֆլեյշերը: Նրա կարծիքով երկիրը փրկել կարող է միայն նախագահին արդյունքներն ընդունելու խելամիտ ժամանակահատված տրամադրելը:
