Լեռնային Ղարաբաղի վերաբերյալ եռակողմ հայտարարության տեքստը դրույթ չի պարունակում թուրք զիվորականների` այս տարածքում գտնվելու մասին, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «Ինտերֆաքս»-ը:
«Այդ մասին (թուրք զինվորականների ներկայության Ղարաբաղում) ոչ մի բառ չկա հրապարակված հայտարարության տեքստում: Կողմերն այս մասին համաձայնության չեն եկել: Թուրք զինվորականների տեղակայումը Ղարաբաղում համաձայնեցված չէ»,- ասել է Պեսկովը: «Իսկապես, խոսք է եղել Ադրբեջանի տարածքում հրադադարի պայմանների դիտարկման կենտրոն ստեղծելու մասին: Դա` Ադրբեջանում»,- ասել է Պեսկովը:
Այսպես է Կրեմլի ներկայացուցիչը մեկնաբանել Ադրբեջանի նախագահ Իլհամ Ալիեւի հայտարարությունն այն մասին, որ ռուս խաղաղապահների հետ միասին Ղարաբաղում նաեւ թուրք զինվորականներ կտեղակայվեն:
Պատասխանելով ճշտող հարցին` արդյոք նա, ադրբեջանական տարածքներ ասելով, նկատի ունի Բաքվի կողմից պահվող շրջանները Լեռնային Ղարաբաղում, Պեսկովն ասել է. «Ոչ, դա Ղարաբաղը չէ»: