Կառավարության դիմաց Նիկոլ Փաշինյանի ստորագրած փաստաթղթի կետերի դեմ բողոքող քաղաքացիների մի մասը քայլերթով շարժվեց ԱԺ։
Նշենք, որ Կառավարության դիմաց երեկ գիշերվանից մենկարկած բողոքի ակցիաները շարունակվում են՝ պահանջելով չեղարկել Նիկոլ Փաշինյանի ստորագրած փաստաթուղթը, որով Արցախում հողեր են զիջվում:
ՀՀ վարչապետ Նիկոլ Փաշինյանը հայտնել էր, որ Ռուսաստանի և Ադրբեջանի նախագահների հետ ղարաբաղյան պատերազմը ժամը 01:00-ից դադարեցնելու մասին հայտարարություն է ստորագրել:
«Հայտարարության տեքստը, որ արդեն հրապարակվել է, անասելի ցավոտ է անձամբ ինձ և մեր ժողովրդի համար: Այդ որոշումը կայացրել եմ ռազմական իրադրության խորը վերլուծության և այդ իրադրությանը ամենալավը տիրապետող մարդկանց գնահատականի արդյունքում: Նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է: Այս ամենի մասին առաջիկա օրերին հանդես կգամ մանրամասն ուղերձով»,- ասել էր նա:
