News
Լրահոս
News
Հինգշաբթի
Մարտ 28
Տեսնել լրահոսը

Ղարաբաղում պատերազմը դադարեցնելու համաձայնագրի կապակցությամբ Հայաստանի ժողովրդի զայրույթը հասկանալի է, գրում է Մայքլ Ռուբինը The National Interest-ի իր հոդվածում:

«Հայաստանի համար այս համաձայնագիրը աղետ է՝ նա կորցրել է Լեռնային Ղարաբաղի հարավի մեծ մասը եւ վիճելի տարածքը շրջապատող առանցքային ռազմավարական տարածքները: Մշակութային մայրաքաղաք Շուշին լքած փախստականներին, ամենայն հավանականությամբ, թույլ չեն տա վերադառնալ: Ադրբեջանի ավտորիտար բռնապետ Իլհամ Ալիեւը, որը պատերազմ էր մղում իսրայելական անօդաչու թռչող սարքերի, սիրիացի վարձկանների, թուրքական F-16-ների եւ սեփական հատուկջոկատայինների հետ, չարախնդում է: Ադրբեջանի նախագահը նշել է, թե չկան երաշխիքներ, որ Լեռնային Ղարաբաղի ինքնավար կառավարությունը կշարունակի գոյություն ունենալ:

Գործարքը, որի մասին, ինչպես հաղորդվում է, պայմանավորվել են ՌԴ նախագահ Վլադիմիր Պուտինը եւ Թուրքիայի նախագահ Ռեջեփ Թայիփ Էրդողանը, ոչ միայն նախատեսում է ռուսական եւ թուրքական զորքերի տեղակայում շփման գծերի երկայնքով, այլ նաեւ երաշխավորում է Հայաստանի միջով տրանսպորտային ուղի Ադրբեջանի եւ նրա անկլավ Նախիջեւանի միջեւ: Կետ, որն, ըստ Ալիեւի, ավելացվել է իր պնդմամբ:

Այս երկու փաստերն էլ լուրջ խնդիրներ են առաջացնում, եւ ԱՄՆ պետքարտուղարությունը պետք է դրանք կասկածի տակ դնի: Թուրքիայի զորքերի մուտքը Հայաստան կամ Լեռնային Ղարաբաղի հայաբնակ տարածքներ թույլ տալը սարսափելի է, քանի որ Թուրքիայի կառավարությունը շարունակում է ժխտել Հայոց ցեղասպանությունը, եւ քանի որ Էրդողանը ու նրա կառավարության շատ տարրեր շարունակում են խոսել կրոնական պատերազմի մասին: Էրդողանը Սիրիայի հյուսիսում քրդաբնակ շրջաններ ներխուժած թուրքական զորքերին անվանել էր «Մուհամմեդի բանակ», իսկ Էրդողանի կողմից սիրված «Ենի Աքիտ» իսլամիստական թերթն գրել է. «Գնա անհավատներին ասա, որ Մուհամմեդի բանակը վերադարձել է»: Պարզ ասած ՝ պարզապես պատճառ չկա, որ թույլ տրվի Թուրքիան որեւէ դեր խաղա հակամարտության մեջ: Եթե թույլատրվի նրան խաղալ այդ դերը, դա կպարգեւատրի թուրքական ագրեսիան, կհաստատի Էրդողանի պանթյուրքական մոլորությունները եւ կխրախուսի նրան շարունակել մարտահրավեր նետել Թուրքիայի դարավոր սահմաններին:

Ադրբեջանի հարձակումը նաեւ ապտակ է Մինսկի գործընթացին: Այն փաստը, որ Ռուսաստանը ըստ էության բացառեց ԱՄՆ-ին համաձայնագրից, դա Ռուսաստանի հաղթանակն է, որը չի խուսափի տարածաշրջանում ԱՄՆ-ի հավանական դաշնակիցներից: Այն, որ Միացյալ Նահանգները, կարծես, հավանություն են տվել գործարքին, որը լիազորում է Ռուսաստանին իրավասություններով եւ խարխլում է նորաստեղծ ժողովրդավարությունը, ընդգծում է Պետդեպարտամենտի նվաստացումը եւ ռազմավարական շփոթությունը:

Հրադադարի մասին համաձայնագրի իրական խնդիրը Կոնգրեսն է: Գրեթե 7 ամսի է անցել այն բանից ի վեր, երբ պետքարտուղարի տեղակալ Սթիվեն Է. Բիգանը հրաժարվեց չեղարկել Ադրբեջանին զենքի մատակարարումն արգելող օրենքի 907-րդ հոդվածի դրույթների բացառումը եւ եզրակացության եկավ, որ այդ սպառազինությունը «չի խոչընդոտում խաղաղ բանակցությունների ջանքերին»: Կամ Բիգանը ստել է, կամ էլ, ամենայն հավանականությամբ, Բաքվում ԱՄՆ դեսպանատունը չի հասկացել, թե ինչ է մտածել Ալիեւը: Սակայն հետախուզության ձախողումը պետք է հետեւանքներ ունենա՝ նշված բացառման անհապաղ չեղարկում եւ Ադրբեջանի նկատմամբ պատժամիջոցների վերսկսում:

Կարճաժամկետ հեռանկարում Ադրբեջանը կարող է տոնել, իսկ Հայաստանը՝ բուժել վերքերը: Վաշինգտոնում ոչ ոք չի կարող չպետք է լռությունը հանգստության հետ շփոթի: Ադրբեջանը հող է նախապատրաստում հակամարտության մեջ նոր գլխի համար: Դա կարող է տեղի ունենալ մեկ ամսվա կամ տասնամյակների ընթացքում, սակայն Թուրքիան եւ Ադրբեջանը քաղաքական վակուում կզգան Էրդողանի կամ Ալիեւի մահից հետո: Սա Լեռնային Ղարաբաղի հակամարտության վերջը չէ, սա միայն նոր գլխի սկիզբն է»:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Յունուսով. Ուկրաինան Ադրբեջանին զենք է մատակարարել Հայաստանի հետ պատերազմի ժամանակ
Ադրբեջանը, համաձայնեցնելով Թուրքիայի և Մոլդովայի հետ, Կիևին մատակարարել է նաև Բայրաքթարներ և այլ...
Ամենաշատ