Ամերիկացի հրահանգիչները «Էլ Հոլ» ճամբարում ձերբակալվածների թվից «Իսլամական պետության» մոտ 30 գրոհայինների են պատրաստում անօրինական զինված խմբավորումների շարքերը համալրելու համար: Այս մասին հայտարարել է փախստականների վերադարձի հարցով սիրիական համակարգող շտաբի ղեկավար Միխայիլ Միզինցեւը, հաղորդում է ՌԻԱ նովոստին:
«Այս տարվա օգոստոսից սեպտեմբեր ամիսներին ընտրվել է մինչեւ 30 մարդուց բաղկացած խումբ, որոնք գտնվել են «Էլ Հոլում»»,-ասել է նա Սիրիայի տարածքում փախստականների վերադարձի հարցով միջազգային համաժողովի բացման ժամանակ:
Նրա խոսքով՝ ամերիկացի հրահանգիչների ղեկավարությամբ այդ մարդիկ անցել են հատուկ պատրաստություն:
Սիրիայում փախստականների համար հարյուրավոր ճամբարներ կան, որոնցից ամենախոշորները գտնվում են կառավարության կողմից հսկվող տարածքներում: Ամենահայտնիները «Ռուբկանը» եւ «Էլ Հոլն» են: Ռուսաստանն այդ խմբավորումների լուծարման հարցով բազմիցս դիմել է ԱՄՆ-ին, սակայն ԱՄՆ-ն այդ կոչերին չի արձագանքել: