Կանադայի արտաքին գործերի նախարար Ֆրանսուա-Ֆիլիպ Շամպանը հայտարարություն է տարածել Արցախում հրադադարի մասին:
«Կանադան ի գիտություն է ընդունել հրադադարի ռեժիմի հաստատումը Լեռնային Ղարաբաղում: Մենք աշխատում ենք միջազգային գործընկերների հետ` ուսումնասիրելու այս համաձայնագրի պայմաններն ու հետեւանքները: Մենք շարունակում ենք աջակցել հայ ժողովրդին, որի հետ մեզ ամուր մարդկային կապեր են միավորում»,- գրել է կանադացի նախարարը Twitter-ի իր միկրոբլոգում:
Նա նաեւ հրապարակել է իր պաշտոնական հայտարարության տեքստը:
«Մենք Ադրբեջանից հարգանք են ակնկալում իր պարտավորությունների նկատմամբ եւ ռազմական գործողությունների մշտական անհամապաղ դադարեցում: Թուրքիան պետք է զերծ մնա հակամարտությանը մասնակցելուց»,- նշվում է հայտարարության մեջ:
Հայտարարության տեքստում նշվում է նաեւ, որ Կանադայի արտաքին գործերի նախարարությունը մշտական կապի մեջ է Հայաստանի արտգործնախարար Զոհրաբ Մնացականյանի հետ` հայ ժողովրդին աջակցել շարունակելու համար:
«Բոլոր կողմերը, հրադադարի ռեժիմից բացի, պետք է բանակցություններ վարեն` մշտական եւ խաղաղ համաձայնության հասնելու համար ԵԱՀԿ Մինսկի խմբի համանախագահների գործընթացի շրջանակներում»,- ասվում է Կանադայի արտգործնախարարի հայտարարության մեջ:
