Ղրղզստանի նախագահի պաշտոնակատար Սադիր Ժապարովն ասել է, որ վայր կդնի իր լիազորությունները մինչ նոյեմբերի 14-ը` նախագահական ընտրություններին մասնակցելու համար, հայտնում է «Sputnik-Ղրղզստան»-ը:
Նախագահի պարտականությունները կկատարի խորհրդարանի խոսնակը, իսկ առաջին վարչապետի պարտականությունները` փոխվարչապետը:
Նա պատմել է, որ նախագահի պաշտոնակատարի լիազորությունները վայր դնելուց հետո այդ պարտականություններն ավտոմատ կերպով կանցնեն խորհրդարանի խոսնակին, ով այժմ Թալանթ Մամիտովն է: Առաջին փոխվարչապետ Արտյոմ Նովիկովը կստանձնի վարչապետի պարտականությունները:
«Այսինքն, ըստ օրենքի, ընտրություններին մասնակցելու համար ես եւս պետք է վայր դնեմ վարչապետի իմ պարտականությունները»,- ասել է Ժապարովը:
Ղրղըզստանի ղեկավարի արտահերթ ընտրությունները տեղի կունենան 2021 թվականի հունվարի 10-ին: Սահմանադրության համաձայն` նախագահի պաշտոնակատարը չի կարող մասնակցել ընտրություններին:
