«Ալ-Քաիդա»-ի առաջնորդներից մեկը` Աբդուլահ Ահմեդ Աբդուլան, ով մեղադրվում էր 1998 թվականին Աֆրիկայում ԱՄՆ երկու դեսպանատներում պայթյունների նախապատրաստմանը մասնակցության մեջ, օգոստոսին սպանվել է Իրանում իսրայելցի օպերատիվ աշխատակիցների կողմից, գրում է New York Times-ը` վկայակոչելով հետախուզության ներկայացուցիչներին:
Աբդուլահը, ով հայտնի է Աբու Մուհամադ ալ-Մասրի անունով, օգոստոսի 7-ին Թեհրանում գնդակահարվել է մոտոցիկլետներով երկու տղամարդու կողմից, գրում է պարբերականը;
Մասրիի սպանությունը, ում «Ալ-Քաիդա»-ի ներկայիս առաջնորդ Այման ալ-Զավահիրիի իրավահաջորդ էին համարում, մինչ օրս գաղտնի էր պահվում:
Ընդ որում, պարբերականը գրում է, որ հայտնի չէ` արդյոք ԱՄՆ-ն որեւէ դեր է խաղացել այս սպանության մեջ: Պարբերականը պնդում է, որ ԱՄՆ իշխանությունները տարիներ շարունակ հետեւում էին Մասրիին եւ «Ալ-Քաիդա»-ի մյուս անդամներին Իրանում:
«Ահաբեկչական կազմակերպությունն չի հայտարարել նրա մահվան մասին, Իրանի իշխանությունները դա թաքցրել են, որեւէ կառավարություն չի հայտարարել իր պատասխանատվության մասին»,- գրում է պարբերականը:
Ընդ որում, անանուն աղբյուրն ամերիկյան հետախուզությունում հրաժարվել է մեկնաբանել հոդվածը կամ պատասխանել «Ալ-Քաիդա»-ի առաջնորդի սպանությանը Միացյալ Նահանգների հնարավոր մասնակցության մասին հարցին:
