Վրացական կողմը Հայաստանի իշխանություններին առաջարկել է մանրամասն ուսումնասիրել ԱՄՆ-ում իր դեսպանի հայտարարությունը։ Մայիսի 31-ի Երեւանում տեղի ունեցած մամուլի ասուլիսի ժամանակ այս մասին հայտարարեց Հայաստանում Վրաստանի դեսպան Թենգիզ Շարմանաշվիլին՝ պատասխանելով ԱՄՆ-ում Վրաստանի դեսպան Թենգիզ Յակոբաշվիլիի սկանդալային այն հայտարարությանը, թե Հայաստանն իր զարգացմանն անգամ չնչին ուշադրություն չի կարող դարձնել, որովհետեւ նրա գլուխն այլ բաներով է զբաղված, առկա են բազմաթիվ ներքին խնդիրներ։
Ռեպլիկին՝ ինչո՞ւ վրացական կողմը չի արձագանքում, դիվանագետը նշեց, որ «արձագանքում է»։ Ինչպես հայտնեց Թենգիզ Շարմանաշվիլին, կա ԱՄՆ-ում Վրաստանի դեսպանի հայտարարության ձայնագրությունը, եւ Վրաստանում Հայաստանի դեսպանը հայտարարության մանրամասն ուսումնասիրության համար հրավիրվել է ԱԳՆ։ «Կարծում եմ՝ հայկական կողմը կօգտվի այդ հնարավորությունից։ Բայց ե՞րբ դա կկատարվի, չգիտեմ»,- նկատեց դեսպանը։