«Ադեկվադ» միաբանության գրեթե բոլոր անդամները Բաղրամյան-Դեմիրճյան եւ Բաղրամյան-Պարոնյան խաչմերուկներն արգելափակելիս բերման են ենթարկվել Ոստիկանության բաժանմունք։ Այս մասին ֆեյսբուքյան ուղիղ եթերով հայտնեց «Ադեկվադ» միաբանության ղեկավար Արթուր Դանիելյանը, որը նույնպես բերման է ենթարկվել։
«Ինչքան էլ Արմեն Սարգսյանը փորձի տեղեկատվական հոսքերը կառավարել, չի կարողանալու խուսափել պատասխանատվությունից»,- նշեց նա։
Հիշեցնենք, որ արդեն երկրորդ օրն է՝ Նիկոլ Փաշինյանի հրաժարականը պահանջող քաղաքացիները Երևանի տարբեր վարչական շրջաններում փակում են փողոցները, ինչի ընթացքում տասնյակ ցուցարարներ բերման են ենթարկվել։ Այսօր նմանատիպ ակցիաներ տեղի են ունեցել նաև Գյումրիում։