News
Լրահոս
News
Հինգշաբթի
Հունիս 17
Տեսնել լրահոսը


Ես հույս ունեմ, ր Ռուսաստանի հետ Հայաստանի իշխանությունները գոնե այս ժամանակահատվածում, երբ դեռեւս հանդիսանում են իշխանություն, կարողանան որոշակի հայանպաստ պայմաններ ապահովել բանակցային գործընթացում: Այս մասին, այսօր՝ նոյեմբերի 21-ին, Ազատության հրապարակում հանրահավաքից հետո լրագրողների հետ զրույցում նշեց «Հայրենիք» կուսակցության ղեկավար Արթուր Վանեցյանը:

Անդրադառնալով նախարարների փոփոխություններին, Վանեցյանն ասաց. «Ես երեկ արդեն ասել եմ, որ բոլոր նրանք, որոնք համաձայնվում են հեռացող դավաճանական իշխանության հետ շարունակել պատասխանատվությունը վերցնել, ուղղակի  դավաճաններ են: Ես կոչ եմ արել որեւէ նորմալ մարդու չհամաձայնել ստանձնել այսօր տարբեր բարձր պաշտոններ»:

Հարցին, թե նկատո՞ւմ է ՌԴ-ի կողմից աջակցություն Հայաստանի այսօրվա իշխանություններին, «Հայրենիքի» ղեկավարը պատասխանեց. «Ես չեմ ուզում նկատել ոչ Ռուսաստանի, ոչ այլ երկրների կողմից աջակցություն մեր իշխանություններին: Մենք ինքնիշխն երկիր պետք է լինենք»:

ՀՅԴ ԳՄ ներկայացուցիչ Իշխան Սաղաթելյանը նկատեց, որ կարեւորը է, որ վարչապետը հայ ժողովրդի աջակցությունն ունենա, որն այս պահին չունի:

Վանեցյանը նորից անդրադարձավ Իջեւանում բողոքի ցույցերին՝ ասելով. «Ես ավելի մանրամասներ կարող եմ պատմել: Հիշո՞ւմ եք, որ եղան այդ զանգվածային անկարգությունները եւ շատերը ասում էին՝ ի՞նչ գործ ունի ԱԱԾ տնօրենը այդտեղ: Շատ պարզ պատճառով: Ես այդ օրը աշխատանքային այցով գտնվում էի Արցախում, երբ զանգահարեց Վալերի Օսիպյանն ու ասաց, որ վիճակը լարված է Իջեւանում: Այնուհետեւ սկսեց զանգահարել իմ տեղակալը՝ Էդուարդ Մարտիրոսյանը: Նա ասաց, որ վարչապետը հանձնարարել է, որ «Ալֆա» ջոկատայիններին տանենք, որ ժողովրդին ծեծեն: Ես ասացի՝ այդպիսի բան չաենք, որովհետեւ այդ վարչությունը նախատեսված է այլ գործառույթների համար՝ հակաահաբեկչական: Նիկոլ Փաշինյանը զանգում էր ինձ, Օսիպյանին, ասում էր՝ ջարդեք, սատկացրեք, սպանեք, արյան գետեր եմ ուզում տեսնել: Պատասխանում էինք, որ չի կարելի»:

Հարցին, թե ունի՞ ապացույցներ, Վանեցյանն ասաց. «Իմ խոսքն ապացույց է, կարծում եմ՝ Օսիպյանի խոսքն էլ է ապացույց լինելու: Մեկնեցինք այնտեղ եւ իմ ու Օսիպյանի աշխատանքի արդյունքում, որ չտրվեցինք ապօրինի հրամաններին, չիրականացրեցինք այդ միջոցառումը: Կարողացանք առանց արյան գետերի կանխել այն, ինչ իրականցնում էին Իջեւանի եւ հարակից գյուղերի բնակիչները»:

Վանեցյանը հիշեցրեց, իր հրաժարականի տեքստը, որտեղ ասում էր՝ «Կանգ առեք»: «Այն ինչ ասել եմ, իրողություն է դառնում. կորցրեցինք Արցախի 70 տոկոսը, ունեցանք շուրջ 5 հազար զոհ, կովիդի րդյունքում ունեցանք 1500 զոհ, ունենք փլուզված տնտեսություն: Դոլարի կուրսը տեսե՞լ եք ուր է հասել՝ 508 դրամ: Դքւք հասկանո՞ւմ եք, որ տնտեսությունը քանդվում է, երկիրը քանդվում է: Արդեն էլ տեղ չունենք, օդանավերը սկսեցին թռչել, ազգի 50 տոկոսը արտագաղթելու է: Մենք անընդհատ ասել ենք, որ էս մարդիկ սուտ են ասում: Ասում էին՝ ով Նիկոլի հետ չի, դավաճան է, հիմա տեսա՞ք, ով է դավաճան: Ես նիկոլին հավատացել եմ, ուզեցել եմ, որ էս երկիրը նորմալ երկիր դառնա, բայց երբ տեսել եմ, որ չի կարում կառավարի, ասել եմ՝ Նիկոլ կանգ առ, ու դուրս եմ եկել»:

Անդրադառնալով նախօրեին ցուցարարների ցրելու ոստիկանության գործողություններին, Վանեցյանն ասաց, որ քանի որ Նիկոլ Փաշինյանը լավ գիտի հանրահավաք կազմակերպելու տեխնոլոգիաները, հավանաբար լավ գիտի նաեւ դրանք խանգարելու տեխնոլոգիաները. «Հենց առաջին օրվանից բիրտ ուժ է կիրառում, որ մարդիկ վախենան, դուրս չգան փողոց, բայց չես կարող: Կարող ես երկարաձգել, բայց չեն կարող անվերջ մարդկանց վախեցնել»:

«Հայրենիքի» ղեկավարը անդրադարձավ նաեւ վերջին պատերազմին. «Պատերազմի 3-րդ, 4-րդ օրը ԳՇ պետը զեկուցել է երկրի ղեկավարին, որ մենք ունենք խնդիր, չենք կարողանալու դիմակայենք այս ագրեսիային: Նիկոլ Փաշինյանը փոխանակ ստացած տեղեկությունները վերլուծի եւ կայացնի որոշում, ինչպես միշտ որոշում չի կայացրել: Փաշինյանը 44 օր հեռուստատեսությամբ թերթերով խաբեց, ասելով՝ հաղթելու ենք: Փաստը եղավ այն, որ ունեցանք այս խայտառակ պարտությունը: Փաշինյանն ասում է, որ Շուշիի մասով միշտ եղել է պահանջ Ադրբեջանի կողմից, դրանից հետո ԱԳՆ խոսնակը գրառում է անում եւ հերքում Փաշինյանի ասածը, որցի հետո ԱԳ նախարարը հրրաժարական է տալիս: Այսինքն Շուշին ի սկզբանե չի եղել, եղել է հետո: Նաեւ ասում է, որ ինձ առաջարկում էին 7 շրջան հետ տալ, այսպես կոչված Լավրովի պլան կամ Մադրիդյան սկզբունքներ: Համաձայն չէի՞ր, վեր կենային, ժողովրդի դիմաց, ասեիր՝ ինձ սենց առաջարկություն են արել, ես համաձայն չլինելով դրա հետ, հիմա հրաժարականի դիմում եմ ներկայացնում եւ գնում եմ: Թող գան մարդիկ, որոնք համաձայն են այդ շրջանները տալով հարցը լուծեն: Հիմա եթե դու դա չես արել, հիմա քո մնալու իմաստը ո՞րն է:

Տպել
Կարդացեք նաև
Ամբողջը
Երեւակայական հարցազրույց Լեւոն Տեր-Պետրոսյանի հետ կամ անկեղծության պահը
Ոչ միայն բավարարված եմ, այլև չարախնդում եմ...
Ռոբերտ Քոչարյան. ՀՀ իշխանությունները փակեցին ԱԹՍ-ների ծրագիրը` անօգուտ եւ հին «Օսա»-եր գնելով
«Առաջին դեմքը բանակին սխալ որոշումներ պարտադրեց...
Պատերազմում անհաջողությունների գլխավոր պատճառը երեք տարիներին հանրությունը մասնատելու քաղաքականությունն է եղել. Ղուլյան
Անվտանգային ու պաշտպանական համակարգերին սիրողական մակարդակով տիրապետելու հետևանքը ռազմի դաշտում կրած անհաջողություններն են…
Հոկտեմբերի 10–ին Պուտինի կողմից պատերազմը դադարեցնելու առաջարկ արվե՞լ է.Փաշինյանը հարցին չպատասխանեց
Վայոց ձորի մարզի Ջերմուկ քաղաքում «Քաղաքացիական պայմանագիր»...
Արցախում քրգործ է հարուցվել Ասկերանի հայկական գերեզմանատանը ադրբեջանցիների վանդալիզմի փաստերով
Նշենք, որ ի տարբերություն Ադրբեջանի` Հայաստանում արդեն ավելի քան 30 տարի պահպանվում են ադրբեջանցիների գերեզմանները...
Պատերազմն ինքը եւ պարտությունը «կազմակերպված չկազմակերպվածության» արդյունքն են. Վանեցյան
Փաշինյանը երկու-երեք տարում խարխլեց պետական ինստիտուտները...
Ամենաշատ