News
Լրահոս
News
Հինգշաբթի
Հուլիս 29
Տեսնել լրահոսը

Եռակողմ հայտարարության արդյունքում Ադրբեջանին անցած Տիգրանակետի  հնագիտական պեղումների արդյունքում հայտնաբերված ողջ նյութն ապահով տեղում է։ Այս մասին NEWS.am-ին հայտնեց Տիգրանակերտ հնավայրի և շրջակայքի պեղման և ուսումնասիրման աշխատանքների արշավախմբի ղեկավար Համլետ Պետրոսյանը։

«Ես կարծում եմ՝ պեղումներն իրենք շարունակելու են, միգուցե ավելի մեծ ծավալով, եւ ներկայացնելու են որպես աղվանական ինչ որ քաղաք, ինչպես իրենք անհասկանալիորեն պնդում են։ Հատկապես Տիգրանակերտի Վանքասարի եկեղեցին էլ ադրբեջանցիները վերականգնել են, դա համարել են իրենցը, կարծում եմ՝ այդ մոտեցումը շարունակվելու է»,- նշեց Համլետ Պետրոսյանը։

Պատերազմի ժամանակ հրետակոծվել էր հնագիտական հանգրվանը, բայց հուշարձանի այլ հատվածներ, Համլետ Պետրոսյանի խոսքով, մնացել էին նույն վիճակում։  

Տիգրանակերտ բերդ-ամրոցը գտնվում է Աղդամ քաղաքից 8կմ հյուսիս-արեւմուտք՝ պատմական Արցախ եւ Ուտիք նահանգների սահմանագլխին։  Այն կառուցվել է մ.թ.ա. 1-ին դարում հայոց արքա Տիգրան Մեծի կողմից, ով նորաստեղծ հայկական կայսրության մեջ հիմնել էր իր անունը կրող չորս քաղաք։

Արցախի Տիգրանակերտի մասին հիշատակել են 7-րդ դարի պատմիչներ Սեբեոսը և Մովսես Կաղանկատվացին։ Այն որպես բնակավայր գոյություն է ունեցել մինչև ուշ միջնադար և գտնվել է Խաչենի իշխանության տարածքում։ Այս շրջանից Խաչենագետի ներքին հովիտը կոչվել է Տիգրանակերտի դաշտ։ Տեղացի ժողովրդի մոտ պահպանել էր «Տկռակերտ» անվանաձևը։

Խորհրդային շրջանում Տիգրանակերտը գտնվում էր Աղդամի շրջանի տարածքում, որը ազատագրվել է Արցախյան պատերազմի ժամանակ հայկական զինված ուժերի կողմից։ 2020թ․ սեպտեմբեր-հոկտեմբեր ամիսներին տեղի ունեցած պատերազմի ավարտին ընդունված հայտարարության համաձայն Աղդամի շրջանը՝ ներառյալ Տիգրանակերտը, անցել են Ադրբեջանին։

Նշենք, որ բերդաքաղաքի պեղումները սկսվել էին 2006 թվականին։ Արդյունքում գտնվել և ուսումնասիրվել են քաղաքի միջնաբերդը, պարիսպները, քաղաքի կենտրոնական մասը և վաղ միջնադարյան բազիլիկ եկեղեցի։ Քաղաքը հիմնականում կառուցված է սպիտակ կրաքարով։ Յուրահատուկ է պարիսպների որմնաքարերի հանգույցների «ծիծեռնակապոչ» ձևը։

Պեղումների ամենակարևոր գտածոներից մեկն է 2008 թվականի հուլիսի 15-ին հայտնաբերված հայերեն արձանագրությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ինչո՞ւ էր հայտնվել Արծրունը. Yerevan.today
Վաղ առավոտից, ակտիվացել էր Արծրուն Հովհաննիսյանը, այն նույն Արծրունը, որը Նիկոլի հետ կիսում է պարտության խորհրդանիշ լինելը...
ՀԱՊԿ գլխավոր քարտուղարը մտահոգություն է հայտնել ՀՀ եւ Ադրբեջանի սահմանին լարվածության կապակցությամբ
«Հուլիսի 28-ի գիշերը Հայաստանի եւ Ադրբեջանի սահմանին մարտական բախումներ ե
Կապիտուլյանտների «չերեզ Ադրբեջանի հարավ՝ դեպի Ռուսաստան» թեզը լրիվ «սպանում» է. Շարմազանով
Մեր ինչի՞ն է պետք Ադրբեջանի տարածքով հաղորդակցություն ունենալ Իրանի հետ,եթե մենք Իրանի հետ ուղիղ հաղորդակցություն ունենք։ Ի՞նչ կենսական շահ կա...
Այլ երկրների պաշտոնյաների՝ Արցախի օկուպացված տարածքներ այցերը միջազգային իրավունքի կոպիտ խախտում են. Արցախի ԱԳՆ
Բաքվի՝ սեփական ապօրինի գործողությունները որպես ընդունելի նորմա…
Ծանր հենաշարժողական խնդիրներ ունեցող զինծառայողները կկարողանան ծառայություններ ստանալ «էկզոսկելետոն»-ի օգնությամբ
Հավատարիմ մնալով սահմանած առաջնահերթություններին՝ Աշխատանքի և սոցիալական հարցերի նախարարությունը ևս մեկ քայլ է կատարում հայրենիքի...
Ադրբեջանի հարցով փորձագետ. Փաշինյանը շատ ակտիվ առաջ է տանում Բաքվի շահերը
Նրա խոսքով՝ Փաշինյանը հայտարարում է, որ թշնամին ներխուժել է ՀՀ ինքնիշխան տարածք, տարբեր ռազմական եւ ահաբեկչական գործողություններ է անցկացնում, սակայն վարչապետի պաշտոնակատարն անում է ամեն ինչ, որպեսզի Ադրբեջանն անխոչընդոտ շարունակի:
Ամենաշատ