584 թուրք պատգամավորներից շուրջ 100-ի մոտ ախտորոշվել է կորոնավիրուս, գրում է Duvar թուրքական կայքը:
Այսինքն Թուրքիայի խորհրդարանի անդամների շուրջ 20 տոկոսի մոտ հայտնաբերվել է COVID-19:
Խորհրդարանականների հարազատները բուժվում են տնային պայմաններում կամ հիվանդանոցում:
Ընդ որում՝ խորհրդարանի անդամներից մեկը կրկնակի է վարակվել կորոնավիրուսով:
Իշխող կուսակցության 289 պատգամավորներից 57-ի մոտ հաստատվել է կորոնավիրուսը:
Անցած շաբաթ ընդունվել էին մի շարք միջոցառումների մասին որոշումներ խորհրդարանում կորոնավիրուսի տարածումը կանխարգելելու համար՝ ներառյալ գլխավոր կոմիտեի եւ հանձնաժողովների նիստերի կրճատում, ընդ որում՝ խորհրդարանի տարեց եւ քրոնիկական հիվանդություն ունեցող անդամները ներկա չեն գտնվի խորհրդարանում առաջիկա շաբաթների ընթացքում, եթե խիստ անհրաժեշտություն չլինի:
Թուրքիայում շաբաթ օրը գրանցվել է կորոնավիրուսով վարակման ամենաբարձր ցուցանիշը մեկ օրում՝ 5532 մարդ:
Նույն օրը կորոնավիրուսի հետեւանքով մահացել է 135 մարդ՝ վարակից զոհերի ընդհանուր թիվը հասցնելով 12 219-ի: