Շաբաթ՝ նոյեմբերի 21-ին, Գերմանիայի մի շարք քաղաքներում տեղի են ունեցել կորոնավիրուսի դեմ պայքարի շրջանակում կարանտինի սահմանափակումների դեմ բողոքի ցույցեր, որոնք մեծամասամբ կրել են խաղաղ բնույթ: Մի շարք քաղաքներում փողոց են դուրս եկել նաեւ կարանտինի միջոցառումների կողմնակիցները, հաղորդում է DW-ը:
Լայպցիգում հանրահավաքը սկսելուց առաջ կազմակերպիչները չեղարկել են այն, որից հետո հավաքվածները քայլերթ են կազմակերպել քաղաքում առանձին խմբերով: Ընդ որում՝ այդ օրն ուժեղացված ռեժիմով աշխատած ոստիկանության տվյալներով՝ հնարավոր չի եղել խուսափել կարանտինի միջոցառումների հակառակարորդների եւ կողմնակիցների միջեւ բախումներից:
«Ի սկզբանե միջոցառումներն անցկացվել են խաղաղ, սակայն այնուհետեւ քաղաքի կենտրոնական մասում իրավիճակը դարձել է դինամիկ»,-պարզաբանել է Լայպցիգի ոստիկանության ներկայացուցիչ Օլաֆ Հոփեն:
«Ոստիկանության համար դա բարդ իրավիճակ էր, սակայն երեկոյան ամեն ինչ կայունացել էր»,-հավելել է նա: Երկու մարդ բերման է ենթարկվել:
