News
Լրահոս
News
Կիրակի
Հունվար 24
USD
518.44
EUR
631.1
RUB
6.95
ME-USD
0.01
Տեսնել լրահոսը

Ամերիկյան Foreign Policy News պարբերականը Լեռնային Ղարաբաղի մասին հոդված է հրապարակել 2020 թվականի նոյեմբերի 9-ի եռակողմ պայմանագրի կնքումից հետո։

Ըստ պարբերականի՝ տարածաշրջանում ստեղծվել է իրերով լեցուն մեքենաների հոսք, իսկ մարդիկ, որոնք չեն կարողացել իրենց հետ բերել անասունը, նրանց ուղղակի սպանել են։ Մյուսները լեռնային նեղ ճանապարհներով գնում են իրենց հոտի հետ՝ հուսալով, որ ուժասպառ չեն լինի։

«Սա զանգվածային արտագաղթի ողբերգություն էր, մարդկանց զանգվածային տեղահանում հողից, որի տերերը տառացիորեն մի գիշերում փոխվեցին։ Մի քանի օր հետո այն բանից, երբ Հայաստանի վարչապետ Նիկոլ Փաշինյանը հայտարարեց Ադրբեջանի հետ այս ոչ մեծ լեռնային անկլավի շուրջ պատերազմի դադարեցման մասին, հազարավոր էթնիկ հայեր ստիպված էին լքել իրենց հողերը, որոնք վերադարձվել են Ադրբեջանին»,- նշված է հոդվածում։

«Դեռեւս մինչ այն, երբ Փաշինյանը լուսադեմին Facebook-ում հայտարարեց պատերազմի ավարտի մասին, որով դադարեցվեցին 6 շաբաթ տեւած արյունահեղ մարտերը, որոնց հետեւանքով զոհվեցին 1400 հայեր, հայերն արդեն համակված էին կորստի խորաթափանց զգացումով։ Երեք կողմից մուսուլմանական հարեւաններով շրջապատված քրիստոնեական երկրի եւ ժողովրդի համար, որը դեռեւս փորձում է հաղթահարել ավելի քան մեկ դար առաջ իրագործված Ցեղասպանությունը, ազգային հոգեվիճակում գերակայում են էքզիստենցիալ վախերը։ Մարդիկ ամենուր մտահոգված են, որ Թուրքիան, որն այս հակամարտությունում աջակցել է Ադրբեջանին եւ այդպես էլ պաշտոնապես չի ճանաչել 2015 թվականին 1,5 մլն հայերի կոտորածը, փորձում է իրենց ոչնչացնել»,- հավելում է հեղինակը։

Հոդվածում հավելվում է, որ գյուղի որոշ բնակիչներ, քանի որ այլեւս կորցնելու ոչինչ չունեն, այրում էին իրենց տները՝ սփոփվելով, որ իրենց թշնամիները չեն կարողանա այնտեղ քնել։

Հեղինակը նշում է, որ մարդիկ ամենից շատ վախենում էին տալ հնագույն վանք Դադիվանքը։

Դադիվանքը, համենայնդեպս այս պահին, կարծես, փրկվել է, նշում է հեղինակը՝ հավելելով, որ Ռուսաստանի նախագահ Վլադիմիր Պուտինը Ադրբեջանի նախագահ Իլհամ Ալիեւին խնդրել է հոգ տանել այս տարածքի քրիստոնեական սրբավայրերի մասին։

«Ռուսական զորքը, իսկ շուտով, հավանաբար, նաեւ թուրքականը, տեսնում են իրենց աշխատանքը որպես խաղաղապահների։ Բայց ոչ բոլորն են խաղաղության պատրաստ։ Չնայած մարտական գործողություններն ավարտվել են, Արտակն ու Արարատը, որոնք սովորական կյանքում մեխանիկներ են, դեռեւս պատրաստ են իրենց ծառայությունն առաջարկել առաջնագծում»,- հավելել է հեղինակը՝ նշելով, թե նրանք մտավախություն ունեն, որ ադրբեջանական ուժերը կարող են ավելի շատ հողեր նվաճելու փորձեր կատարել։

Հեղինակի խոսքով՝ նրանք, ինչպես նաեւ շատերը զայրանում են Փաշինյանի վրա այն բանի համար, որ նա ստորագրել է գործարքը, որում սաստիկ շահել է Բաքուն այն բանից հետո, երբ ավելի քան հազար մարդ զոհվեց ամբողջ անկլավը հայկական պահելու համար։ Հայաստանի մայրաքաղաք Երեւանում ցուցարարները անցյալ շաբաթ գրոհով վերցրել էին խորհրդարանը՝ պահանջելով Փաշինյանի հրաժարականը, չնայած Լեռնային Ղարաբաղի նախագահը ընդունել է, որ դա անխուսափելի էր։

«Նա պետք է հրաժարական տա կամ ինքնասպան լինի։ Կամ խարակիրի անի․- նշել է Արտակը,- եթե հրաժարական տա, հին ռեժիմը կգա, իսկ դա նույնպես լավ չէ»։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երբ դու և դաշնակիցդ թշնամական ԱԹՍ-ների պատճառով կորցնում եք Ջաբրայիլը, այդ ԱԹՍ-ները հայտնվում են Դոնեցկում. քաղաքագետ
Ողբամ զձեզ, Հայոց եւ Ուռուսաց աշխարհք, ողբամ զձեզ, հանուրց հիւսիսականաց վեհագոյն, զի բարձաւ թագաւոր եւ քահանայ, խորհրդական եւ ուսուցող, վրդովեցաւ…
Արցախում փայտե բնակարաններ են կառուցվում. բնակարանի կարիք ունի 10.000 ընտանիք
Պայմանավորվածություն ձեռք բերվեց շարունակել համագործակցությունը և սփյուռքի տարբեր…
Քաղաքական գործիչ. Փաշինյանը հստակ իմացել է, որ գալիս է «լուծելու» Արցախի հարցը հենց նման կերպով
Նա հավելեց, որ երկար ժամանակ հայկական կողմը գտնվել է արտաքին ուժերի ճնշման ներքո, նրան ստիպել են տարածքներ հանձնել, ինչի մասին 2016 թվականի օգոստոսին ասել է Սերժ Սարգսյանը, եւ այդ մասին մենք իմանում ենք Արցախի ԱԺ խոսնակ Արտակ Թովմասյանի հայտարարությունից...
Փոխգնդապետը անձամբ իրականացրել է կրակի վարում՝ պատճառելով կենդանի ուժի զգալի կորուստներ. ճանաչենք մեր հերոսներին
Ավագ լեյտենանտ Սամվել Վազգենի Ղարաբեկյանը, ցուցաբերելով անձնական խիզախություն, խոցել է 3 տանկ…
Նիկոլ, դու ես սպանել իմ Աբգարին, մնացած Աբգարներին, քո հանցավոր գործողությունների արդյունքում. Գեղամ Նազարյան
Դու պետք է խնդրես, որ քեզ, Աննային շուտ դատեն, թե չէ ժողովուրդը այս շոկից դուրս է գալու վաղ թե ուշ…
Զարուհի Փոստանջյանը հարցում է ներկայացրել Ռուսաստանի ՆԳՆ եւ ԱԴԾ Աննա Հակոբյանի՝ Մոսկվա մեկնելու կապակցությամբ
Հնարավոր է՝ նա ցանկանում է Ռուսաստանից Թուրքիա տեղափոխվել…
Ամենաշատ
Ֆոտոռեպորտաժներ