News
Լրահոս
News
Երկուշաբթի
Հունվար 25
USD
518.44
EUR
631.1
RUB
6.95
ME-USD
0.01
Տեսնել լրահոսը

Լիտվայի խորհրդարանը Ինգրիդ Շիմոնիտեին հաստատել է երկրի վարչապետի պաշտոնում, փոխանցում է «ՌԻԱ Նովոստի»-ն։

Շիմոնիտեի թեկնածության օգտին քվեարկել է 62 խորհրդարանական, դեմ՝ 10, ձեռնպահ՝ 41։

Շիմոնիտեին վարչապետի պաշտոնում առաջադրել են իշխող կոալիցիայի մեջ մտնող կուսակցությունները՝ «Հայրենիքի միություն – Լիտվայի քրիստոնեական դեմոկրատներ», «Լիբերալ շարժում» եւ «Ազատության կուսակցություն»։

Շիմոնիտեն ծնվել է 1974 թվականին Վիլնյուսում, միջնակարգ դպրոցն ավարտել է արծաթե մեդալով եւ 1996 թվականին ընդունվել է Վիլնյուսի համալսարանի տնտեսագիտական ֆակուլտետ, 1996 թվականին ստացել է «բիզնեսի կառավարման եւ մենեջմենթի» բակալավրի աստիճան, 1998 թվականին՝ տնտեսագիտության մագիստրոսի աստիճան։

Աշխատել է ֆինանսների նախարարությունում, որտեղ անցել է գերատեսչության տնտեսագետից մինչեւ ֆինանսների նախարարի պաշտոն տանող ճանապարհ։ Վերջին անգամ այդ պաշտոնը զբաղեցրել է 2009-2012 թվականներին պահանողական Անդրյուս Կուբիլյուսի կառավարությունում։

Շիմոնիտեն 3 տարի աշխատել է Լիտվայի բանկում, մինչեւ 2016 թվականը դասավանդել է Վիլնյուսի համալսարանում, երբ «Հայրենիքի միություն – Լիտվայի քրիստոնեական դեմոկրատներ»-ի հետ միասին մտել է խորհրդարան։

2019 թվականին նա մասնակցել է Լիտվայի նախագահական ընտրություններին, բայց երկրորդ փուլում ստանալով ընտրողների ձայների 33 տոկոսը՝ պարտվել է Գիտանաս Նաուսեդեին։

!
Այս նյութը հասանելի է նաև   Русский
Տպել
Ամենաշատ