News
Լրահոս
News
Կիրակի
Հունվար 24
USD
518.44
EUR
631.1
RUB
6.95
ME-USD
0.01
Տեսնել լրահոսը

Հայաստանի վարչապետը ՏԱՍՍ-ին տված հարցազրույցում գնահատել է երկրի ներքաղաքական իրավիճակն Ադրբեջանի, Հայաստանի եւ Ռուսաստանի ղեկավարների համատեղ հայտարարության ստորագրումից հետո:

Ձեր ստորագրած եռակողմ հայտարարությունը բուռն բողոքի ցույցերի եւ նույնիսկ Ձեր հրաժարականի պահանջի պատճառ դարձավ Հայաստանում: Հաղորդվում էր, որ դուք նույնիսկ ժամանակավորապես լքել եք երկիրը: Արդյո՞ք դա այդպես է: Ինչպե՞ս եք գնահատում հանրապետությունում առկա ներքաղաքական իրավիճակը եւ արդյո՞ք դա սպառնում է խափանել ձեռք բերված պայմանավորվածությունները:

Դուք գիտեք, որ մենք ներքաղաքական լարվածություն ունենք, բայց ճշմարտությունն այն է, որ ընդդիմության կողմից հնչեցվող կոչերը լայն արձագանք չեն ստացել հայ հասարակության շրջանում: Եվ ես կարծում եմ, որ իշխանության հարցը, որը ձեւավորվել է ժողովրդի կողմից, կարող է որոշվել միայն ժողովրդի կամարտահայտության միջոցով: Փաստն այն է, որ ընդդիմության կողմից արված կոչերն աջակցություն չեն ստանում հայ հասարակության կողմից: Սա անհրաժեշտ է արձանագրել:

Ինչ վերաբերում է ժողովրդի կամարտահայտությանը, ապա առավել ժողովրդավարական ձեւն ընտրություններն են: Հնչեցվում են նաեւ արտահերթ խորհրդարանական ընտրությունների կոչեր: Ինչպե՞ս եք դրան վերաբերվում, ինչպե՞ս եք գնահատում այդ հնարավորությունը:

Այժմ ՀՀ կառավարության եւ բոլոր քաղաքական ուժերի առաջնային խնդիրը պետք է լինի Հայաստանի Հանրապետության լիարժեք կայունության եւ անվտանգության վերականգնումը: Ես նկատի ունեմ ոչ միայն ներքին, այլեւ արտաքին անվտանգությունը: Ես վեց ամսվա ճանապարհային քարտեզ հրապարակեցի, եւ հաջորդ վեց ամսվա ընթացքում մենք պետք է աշխատենք իրավիճակը կայունացնելու ուղղությամբ: Ես նկատի ունեմ քաղաքական իրավիճակը, անվտանգության իրավիճակը, տնտեսական կայունությունը: Դրանից հետո մենք կխորհրդակցենք մեր հասարակության, մարդկանց, քաղաքական ուժերի հետ եւ որոշում կկայացնենք հետագա իրադարձությունների եւ հետագա քայլերի վերաբերյալ, թե ինչ պետք է անենք հետագայում:

Ինչպես ասացիք, հասարակության զգալի մասը չի աջակցում բողոքական տրամադրություններին...

Դա չի նշանակում, որ բոլորը գոհ են Լեռնային Ղարաբաղի հակամարտության համատեքստում առկա իրավիճակից, Լեռնային Ղարաբաղում տիրող իրավիճակից եւ այլն: Ճիշտն ասած, ես էլ այդքան գոհ չեմ, մենք բոլորս ենք դժգոհ այն իրավիճակից, որն ունենք: Բայց մենք պետք է հասկանանք, թե ինչ այլընտրանքներ ունենք: Մենք պետք է աշխատենք ոչ թե իրավիճակն ավելի սրելու, այլ իրավիճակը կայունացնելու, բարելավելու համար: Եվ, ինչպես ասացի, նկատի ունեմ ոչ միայն ներքին, այլ նաեւ արտաքին կայունությունն ու անվտանգությունը, ինչպես նաեւ տնտեսական անվտանգությունն ու կայունությունը, և մենք պետք է կենտրոնանանք այս հարցերի վրա: Սա չի նշանակում, որ կառավարությունը կարծում է, որ ամեն ինչ հիասքանչ է, եւ ամեն ինչ կարգին է: Հակառակը, մենք կարծում ենք, որ նախ պետք է չսրել իրավիճակը, այն ավելի վատը չդարձնել:

Այժմ մեր առջեւ բազմաթիվ հարցեր են կանգնած` Լեռնային Ղարաբաղի` Արցախի քաղաքացիներին իրենց տներ վերադարձնելու վերաբերյալ: Անհրաժեշտ է որոշակի սոցիալական երաշխիքներ ապահովել Լեռնային Ղարաբաղի քաղաքացիների եւ իրենց տները կորցրած մարդկանց համար: Պետք է կայունացնել Հայաստանի սոցիալ-տնտեսական իրավիճակը:

Ցավոք, ինչպես ամբողջ աշխարհում, այնպես էլ Հայաստանում, կորոնավիրուսի համավարակը շարունակվում է: Այսինքն` մեր ընդհանուր նպատակը պետք է լինի իրավիճակի կայունացումը, եւ դրանից հետո մենք պետք է որոշում կայացնենք, թե ինչպես վարվել հետագայում:

Այդ բողոքական տրամադրությունները, որոնք մենք Ձեզ հետ նշեցինք, արդյո ՞ ք դրանք չեն սպառնում խափանել նոյեմբերի 10-ին ձեռք բերված պայմանավորվածությունները:

Չեմ կարծում, քանի որ հայ հասարակությունը համաձայն է, որ այն իրավիճակում, երբ ստորագրվեց այդ փաստաթուղթը, որեւէ իրական այլընտրանք չկար, որն ավելի լավը կլիներ մեզ համար: Այսինքն, իմ կարծիքով, համոզմամբ, հայ հասարակության մեջ ստորագրված փաստաթղթի հենց այս ընկալումն է:

Այլ հարց է, որը մենք դեռ պետք է վերլուծենք, հասկանանք եւ պատասխանենք այն հարցերին, թե ինչու ամեն ինչ տեղի ունեցավ եւ ինչու մենք նման իրավիճակի հանգեցինք: Բայց այն, որ նոյեմբերի 9-ի դրությամբ պարզապես այլընտրանք չկար, կարծում եմ, իրավիճակի նման ընկալում հայ հասարակության մեջ կա:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երբ դու և դաշնակիցդ թշնամական ԱԹՍ-ների պատճառով կորցնում եք Ջաբրայիլը, այդ ԱԹՍ-ները հայտնվում են Դոնեցկում. քաղաքագետ
Ողբամ զձեզ, Հայոց եւ Ուռուսաց աշխարհք, ողբամ զձեզ, հանուրց հիւսիսականաց վեհագոյն, զի բարձաւ թագաւոր եւ քահանայ, խորհրդական եւ ուսուցող, վրդովեցաւ…
Արցախում փայտե բնակարաններ են կառուցվում. բնակարանի կարիք ունի 10.000 ընտանիք
Պայմանավորվածություն ձեռք բերվեց շարունակել համագործակցությունը և սփյուռքի տարբեր…
Քաղաքական գործիչ. Փաշինյանը հստակ իմացել է, որ գալիս է «լուծելու» Արցախի հարցը հենց նման կերպով
Նա հավելեց, որ երկար ժամանակ հայկական կողմը գտնվել է արտաքին ուժերի ճնշման ներքո, նրան ստիպել են տարածքներ հանձնել, ինչի մասին 2016 թվականի օգոստոսին ասել է Սերժ Սարգսյանը, եւ այդ մասին մենք իմանում ենք Արցախի ԱԺ խոսնակ Արտակ Թովմասյանի հայտարարությունից...
Փոխգնդապետը անձամբ իրականացրել է կրակի վարում՝ պատճառելով կենդանի ուժի զգալի կորուստներ. ճանաչենք մեր հերոսներին
Ավագ լեյտենանտ Սամվել Վազգենի Ղարաբեկյանը, ցուցաբերելով անձնական խիզախություն, խոցել է 3 տանկ…
Նիկոլ, դու ես սպանել իմ Աբգարին, մնացած Աբգարներին, քո հանցավոր գործողությունների արդյունքում. Գեղամ Նազարյան
Դու պետք է խնդրես, որ քեզ, Աննային շուտ դատեն, թե չէ ժողովուրդը այս շոկից դուրս է գալու վաղ թե ուշ…
Զարուհի Փոստանջյանը հարցում է ներկայացրել Ռուսաստանի ՆԳՆ եւ ԱԴԾ Աննա Հակոբյանի՝ Մոսկվա մեկնելու կապակցությամբ
Հնարավոր է՝ նա ցանկանում է Ռուսաստանից Թուրքիա տեղափոխվել…
Ամենաշատ
Ֆոտոռեպորտաժներ