Եթե երկրում մինչեւ այժմ գործող ռազմական դրության իրավական ռեժիմը խանգարում է այս կամ այն քաղաքական ուժերին լիարժեք իրականացնել իրենց քաղաքական գործունեությունը, ապա այդ հարցը պետք է քննարկվի: Այս մասին նոյեմբերի 26-ին «Ռազմական դրության չեղարկման մասին» օրինագծի քննարկման ժամանակ հայտարարեց իշխող «Իմ քայլը» դաշինքի պատգամավոր Հովհաննես Իգիթյանը:
Ըստ նրա` այս հարցը պետք է քննարկվի Ազգային ժողովում ներկայացված խորհրդարանական խմբակցությունների շրջանակներում:
«Իսկապես, ռազմական դրությունը եւ արտակարգ դրությունը որոշակի սահմանափակումներ են մտցնում կուսակցությունների գործունեության մեջ, եւ այդ պայմաններում քաղաքական ուժերին դժվար է լիարժեք գործունեություն ծավալել»,- շեշտեց Իգիթյանը` հավելելով, որ այդ գործունեությունը չպետք է վնասի երկրին եւ ժողովրդին:
