News
Լրահոս
News
Հինգշաբթի
Հունվար 21
USD
519.19
EUR
629.57
RUB
7.08
ME-USD
0.01
Տեսնել լրահոսը

Կապիտուլյացիոն, ստորացուցիչ  պայմանագրով Հայաստանը պարտության մատնած, հպարտությունից ու արժանապատվությունից հայ ժողովրդին զրկած իշխանությունն ու անձամբ Նիկոլ Փաշինյանը վերջին ճիգով եւ ամեն գնով փորձում է երկարաձգել սեփական իշխանության փլատակները: Այս մասին NEWS.am-ի հետ զրույցում ասաց ՀՅԴ ԳՄ անդամ Լիլիթ Գալստյանը՝ անդրադառնալով երկու ամիս երկրում հայտարարված ռազմական դրության ընթացքում ընդդիմախոսներին լռեցնելու նպատակով իշխանությունների գործադրած ջանքերին։

«Մեր համազգային շահերը դավաճանած իշխանությունն այդ ճանապարհին կանգ չի առնում ոչնչի առջեւ: Իհարկե, հայ ժողովրդին այսպես նվաստացրած ու մեր պետականությունը կոլապսի հասցրած՝ դիվանագիտական, քաղաքական ու ռազմական ճակատներում խայտառակորեն ձախողված վարչապետից բարոյական քայլ սպասելն  անհեռանկար է: Հրաժարականի փոխարեն Նիկոլը  քաղաքական ռեպրեսիվ գործիքակազմի է դիմում:  Ոչ միայն դաշնակցության, այլ նաեւ քաղաքական ընդդիմադիր այլ ուժերի ներկայացուցիչներ էլ են ենթարկվել հետապնդումների: Բայց սրանք դատապարտված քայլեր են… մեզ ընկրկել չի լինի, մեր օրակարգում պետականության փրկության հրամայականն է»:

Նրա խոսքով՝ ընդդիմախոսներին, այդ թվում, ՀՅԴ ներկայացուցիչներին լռեցնելու իշխանության քայլերը զավեշտական ու մերկ են։

«Հիմնականում ապօրինի հանրահավաքների կազմակերպման մեղադրանքով են փորձում լռեցնել: ՀՅԴ ԳՄ անդամներից մի քանիսին նախ այս մեղադրանքով բերման ենթարկեցին, հետո երեւակայություններն ու պատվիրատուների հոգեխանգարմունքն այն աստիճանի հասավ, որ փորձեցին մահափորձ կատարելու մեջ մեղադրել: Բայց այդ ամենն այնքան բացահայտ կարմիր թելերով էր կարած, խեղկատակություն, որ ժամերի ընթացքում ավազե աշտարակի պես փուլ եկավ: Եվ ինչ լավ է, որ, այնուամենայնիվ, հակառակ հիմնական խելագարի պատվերի, դատական համակարգը մնում է իր պրոֆեսիոնալ տիրույթում եւ դատարանի վճիռով ազատ արձակվեցին մեր ընկերներն ու այլ ընդդիմադիր գործիչները։

Հիմա իրենց վախերն ու անհանգստությունները իշխանությունները փորձում են ռազմական դրությամբ քողարկել, բայց սա երկար չի տեւի: Այս խեղկատակությունը մի օր սպառվելու է: Այսօր արդեն իշխանությունը Հայաստանում կաթվածահար է, գործելու՝ անունակ: Նրանց գոյության յուրաքանչյուր օրն աղետ է: Այս ամենը՝ ներառյալ պարտությունն ու կապիտուլյացիան անպայման պիտի արժանանան  իրավական գնահատականի: Կատարվածի անունը դավաճանություն է, սահմանադրական կարգի խափանում, ինքնիրավչություն»,– ասաց նա:

ՀՅԴ գործիչները, Լիլիթ Գալստյանի խոսքով, ամբողջ ժամանակ «ֆեյքային հարձակումների» թիրախում են եղել։

«Ֆեյքերի ֆաբրիկան այս իշխանության ծնունդն է, երկրում ատելության եւ թշմանանքի մթնոլորտի, երկիրն ապաբարոյականացման տանելու հիմնական գեներատորը: Դաշնակցությունն իբրեւ ազգային գաղափարական ուժ՝ այս ստահակ, անհայրենիք պիղծերի թիրախում էր: Շատ հասկանալի էր՝ թիրախավորված էր այն ամենն ինչն ազգային էր, ինչն ունակ էր ազգային դիմագիծ ու ազգային իղձեր փայփայող տեսակ համախմբել: Սրանք հետեւողականորեն փսորում էին երկրի ներքին դիմադրողականությունը, ազգային քաղաքական ուժի նկատմամբ պետք էր թշնամանքի եւ անհանդուրժողականությանմթնոլորտ սերմանել:

Բայց, ինչպես տեսնում եք՝ այս չարիքն արդեն մերկացվել է… սրանց կյանքը կարճ է, ափսոս շատ թանկ հատուցեցինք. այս սրիկաները հայրենազրկեցին մեզ»:

Հարցին, թե ինչի է այս քայլերով ձգտում հասնել իշխանությունը, Լիլիթ Գալստայնը պատասխանեց. «Պետությունը պարտվել է, իշխանություն չկա, կոլապս է, պիտի փրկել մնացորդացը»:

!
Այս նյութը հասանելի է նաև   English
Տպել
Կարդացեք նաև
Ամբողջը
Արտահերթ խորհրդարանական ընտրությունների անցկացումը Հայաստանի իշխանությունների համար ինքնանպատակ չէ. «Իմ քայլը»
Հուշագրի ստորագրումը պետք է դրա վկայությունը դառնա...
Էդմոն Մարուքյանը մտադիր է առաջադրել իր թեկնածությունը վարչապետի պաշտոնում
«Վարչապետի հետ եղել է հանդիպում, որտեղ առաջարկվել է, որ ստորագրենք հուշագիր, ըստ որի՝ իր հրաժարականից հետո մենք այլ թեկնածու չենք առաջադրի»...
«Ժողովուրդ». Օրենք են ուզում ընդունել, որը միտված է կոնկրետ ինձ, որ քաղաքականու­թյամբ չզբաղվեմ․Վանեցյան
ԱԱԾ նախկին տնօրենների` քաղաքականությամբ զբաղվելն արգելելու իշխանության մտադրության մասին...
«Փաստ». «Դրսից» եկող ազդակներն էլ են վկայում իշխանությունների հեռանալու հրամայականը
Այդ դեպքում հարց է առաջանում՝ եթե հայկական կողմից ոչ ամբողջական ցուցակ պետք է ներկայացվեր...
«Փաստ». «Գաճաճների» հետ քաղաքական առեւտուր անելու նուրբ արվեստը
Այս իրավիճակը նման է նրան, որ Փաշինյանն ասում էր՝ իսկ ինչո՞ւ պետք է հրաժարական տամ, ժողովրդի մի մասը ուզում է մնամ...
«Ժողովուրդ». Ինչպե՞ս է կառավարում երկիրը գործող իշխանությունը
Այսինքն՝ արտահերթ ռեժիմով հետպատերազմական իրավիճակում իսկապես կարեւորագույն նախագծերից մեկը ընդունվեց...
Ամենաշատ
Ֆոտոռեպորտաժներ