News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը

Հայաստանի Հանրապետության վարչապետի, Ադրբեջանի Հանրապետության նախագահի և Ռուսաստանի Դաշնության նախագահի հայտարարության մեջ, ինչպես գիտենք, անորոշությունները շատ են:  Այդ մասին ֆեյսբուքյան գրառում է արել  անկախ պատգամավոր Թագուհի Թովմասյանը:

Նա գրել է. «Եռակողմ հայտարարության կետերից մեկի համաձայն Հայաստանի Հանրապետությունն Ադրբեջանի Հանրապետությանը վերադարձնում է Լաչինի շրջանը մինչև 2020 թ. դեկտեմբերի 1-ը: Բայց այսօր խնդիրներ ունենք արդեն. տարբեր ահազանգեր եմ ստանում։

Ի՞նչ խնդիրներ ունենք. Լաչինի միջանցքը (5 կմ լայնությամբ), որը ապահովելու է Լեռնային Ղարաբաղի միակ կապը Հայաստանի հետ, ընդ որում շրջանցելով Շուշի քաղաքը, մնում է Ռուսաստանի Դաշնության խաղաղապահ զորակազմի վերահսկողության ներքո:

Դեկտեմբերի 1-ը մոտենում է, և պետք է հնարավորինս արագ պարզաբանում մտցվի, որպեսզի երեկվա Սոթքի միջադեպի նման իրավիճակներ չունենանք: Մարդիկ տներն են քանդում, անորոշ վիճակ է, միաժամանակ հստակ տեղեկություն չունեն, թե որ բնակավայրերը պիտի դատարկվեն: Որոշներին ժամանակ չի տրվում, հիմա են պահանջում դուրս գալ։

3 երկրների առաջնորդների համատեղ հայտարարության մեջ նշվում է Լաչինի միջանցքի 5 կմ լայնությամբ հատվածի մասին, որ մնում է ՌԴ խաղաղապահ զորակազմի վերահսկողության ներքո: Բայց չունենք համապատասխան մանրամասներ:

. Եթե Լաչինը հանձնվում է, ինչ է սպասվում Բերձոր քաղաքին:

. Բնակավայրերը մտնում ե՞ն այդ 5 կմ լայնությամբ հատվածում, թե՞ ոչ, տեղի բնակիչները մնալու՞ են այնտեղ, թե ոչ:

. Այդ հատվածում մենք մարտական հերթապահություն իրականացնելու՞ ենք, թե՞ միայն ՌԴ խաղաղապահ ուժերն են վերահսկողություն իրականացնելու:

. Խաղաղապահները սահմանապահ գործառույթնե՞ր են իրականացնելու, թե՞ միայն անցակետի հերթապահություն և ի՞նչ ինտերվալով են կանգնելու։

. Լաչինի միջանցքի 5 կմ լայնությամբ այդ հատվածում խաչվելու՞ են մեր մեքենաները ադրբեջանցիների մեքենաների հետ, թե՞ ոչ:

. Եռակողմ հայտարարության համաձայն Կողմերի համաձայնությամբ, Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար: Ադրբեջանի Հանրապետությունը երաշխավորում է Լաչինի միջանցքով քաղաքացիների, տրանսպորտային և բեռնատար միջոցների երթևեկության անվտանգությունը երկու ուղղություններով: Այս ճանապարհն ո՞վ և ի՞նչ ֆինանսական միջոցներով է կառուցելու: Երբ են սկսվելու այդ շին.աշխատանքները։

. Արդյո՞ք այս միջանցքում մենք ինչ որ պահից իրականացնելու ենք մարտական հերթապահություն:

Իրավասու կառույցներից ակնկալում եմ շտապ արձագանք ու գործողություններ՝ նոր խնդիրներից խուսափելու համար»:

Հայաստանի Հանրապետության վարչապետի, Ադրբեջանի Հանրապետության նախագահի և Ռուսաստանի Դաշնության նախագահի հայտարարության...

Опубликовано Taguhi Tovmasyan / Թագուհի Թովմասյան Пятница, 27 ноября 2020 г.
!
Այս նյութը հասանելի է նաև   Русский
Տպել
Կարդացեք նաև
Ամբողջը
Սիրիայի ուղղությամբ Իսրայելի հրթիռային հարվածի հետեւանքով 4 մարդ է զհովել
Նշվում է նաեւ, որ հարձակման հետեւանքով Համայի արեւմտյան ծայրամասում փլուզվել է 3 տուն...
Թաթոյանը սահմանների որոշման գործընթացի ոչ լեգիտիմ լինելու հարցերով դիմել է եվրոպական կառույցների ղեկավարներին
ՀՀ սահմանների որոշման գործընթացն ուղեկցվում է Ադրբեջանի կողմից սպառնալիքների ներքո և մարդու իրավունքների կոպիտ խախտումներով...
Արամ Գաբրելյանով. Փաշինյանը որպես քաղաքական գործիչ եւ որպես մարդ կորած է
«Երեկ ողջ գիշեր սոցցանցի մոնիթորինգ եմ անցկացրել: Զարմանալի եզրակացություններ արեցի...
Արայիկ Հարությունյանը Մանե Թանդիլյանի հետ քննարկել է սոցիալական ծրագրերի ընթացքը
Արցախի Հանրապետության նախագահ Արայիկ Հարությունյանը հունվարի 21-ին ընդունել է ԱՀ աշխատանքի, սոցիալական եւ միգրացիայի հարցերի նախարար Մանե Թանդիլյանին եւ նրա տեղակալներին...
Դատապարտում ենք ԼՂ հակամարտության հետ առնչվող վայրագության դեպքերը, բոլոր մեղավորները պետք է պատժվեն․ ԱՄՆ դեսպան
Այս տարվա մասին խորհելիս՝ լիովին գիտակցում եմ մեր առաջ ծառացած բազմաթիվ մարտահրավերները, սակայն գիտեմ, որ միասին մենք կկարողանանք հաղթահարել...
Նախօրեին հայտնաբերվել է երեք քաղաքացիական անձի աճյուն․ նրանց ինքնությունը հայտնի է. Արցախի ԱԻՊԾ
Այսօր 1-ական ջոկատ աշխատում է Ֆիզուլիում և Որոտանում, երկուսը՝ Բերձորից հարավ՝ Իշխանաձորում և Այգեհովիտում...
Ամենաշատ