Ռուսաստանում մեկ օրում  հաստատվել է COVID-19-ով մարդկանց մահվան 510 դեպք, ամբողջ ժամանակահատվածում՝ 39 068, լրագրողներին հայտնել են կորոնավիրուսային ինֆեկցիայի տարածման դեմ պայքարի օպերատիվ շտաբից, փոխանցում է «ՌԻԱ Նովոստի»-ն։ 

«Վերջին մեկ օրում հաստատվել է մահվան 510 դեպք... Ռուսաստանում համավարակի ամբողջ ժամանակահատվածում մահացել է 39 068 մարդ»,- նշված է հաղորդագրության մեջ։

Մասնավորապես՝ վերջին մեկ օրում մահվան 76 դեպք է հաստատվել Մոսկվայում, 70՝ Սանկտ Պետերբուրգում։

Դրանից բացի, Մոսկվայում մեկ օրում հիվանդանոցներում հոսպիտալացվել է 1,5 հազարից ավելի մարդ, ԹԱՕ սարքերին են միացված 419 մարդիկ

«Մայրաքաղաքում հաստատվել է կորոնավիրուսային ինֆեկցիայով վարակման 7320  նոր դեպք։ Վերջին մեկ օրում հոսպիտալացվել COVID-19-ով 1518 պացիենտ։ Մոսկվայի հիվանդանոցներում ԹԱՕ սարքերին են միացված 419 մարդիկ»,- հայտնել են շտաբից։

Հստակեցվում է, որ հիվանդների շարքում 11,2 տոկոսը երեխաներ են, 41,2 տոկոսը՝ 18-ից մինչեւ 45 տարեկան մարդիկ, 32,1 տոկոսը՝ 46-ից մինչեւ 65 տարեկան մարդիկ, եւս 11,3 տոկոսը՝ 66-ից մինչեւ 79 տարեկան մարդիկ։ Հիվանդացածների թվում 4,2 տոկոսը 80-ն անց մարդիկ են։