Անցած օրվա ընթացքում Հայաստանի տարածքից ռուսական խաղաղապահ ուժերի աջակցությամբ Լեռնային Ղարաբաղ է վերադարձել 2115 մարդ, հաղորդում է «Ինտերֆաքսը»՝ հղում անելով ՌԴ ՊՆ-ին:
Ընդհանուր առմամբ, 2020 թվականի նոյեմբերի 14-ից մինչ օրս 21 083 փախստական է վերադարձել նախկին բնակության վայր:
Նշվում է, որ «շփման գծի ողջ երկայնքով հրադադարի ռեժիմը պահպանվում է»:
Ռուս խաղաղապահները նաեւ շարունակում են աշխատել Լեռնային Ղարաբաղի տարածքի ականազերծման ուղղությամբ:
«Օրվա ընթացքում չպայթած զինամթերքից մաքրվել են Ստեփանակերտի 2,85 կմ ճանապարհներ, 5,9 հա տեղանք: Հայտնաբերվել եւ վնասազերծվել է 104 պայթուցիկ առարկա: Ընդհանուր առմամբ, Լեռնային Ղարաբաղում ականազերծման ընթացքում մաքրվել է 14,67 հա տարածք, 5,5 կմ ճանապարհ, 81 բնակելի շենք, հայտնաբերվել եւ ոչնչացվել է 416 պայթյունավտանգ առարկա»,- ասվում է հաղորդագրության մեջ:
