Կիրակի Ֆրանսիայի պետական խորհուրդը հանձնարարել է երկրի կառավարությանը վերանայել մեծաթիվ հավատացյալների՝ եկեղեցիներ այցելելու կարգը կորոնավիրուսի համավարակի կապակցությամբ, հաղորդում է Reuters-ը:
Համաձայն Պետական խորհրդի հայտարարության՝ տաճարներում կիրառվող միջոցները COVID-19-ով վարակվելու սպառնալիքի հետ համաչափ չեն:
Անցած շաբաթ կառավարությունը հայտարարել էր հոկտեմբերի 30-ին սահմանված համազգային կարանտինը երկարաձգելու մասին:
Նոյեմբերի 28-ից երկրում բացվել են առաջին անհրաժեշտության ապրանքների առեւտրով զբաղվող խանութները, եւ վերականգնվել է կրոնական ծառայությունը, սակայն տաճարներում գտնվող հավատացյալների ընդհանուր թիվը չպետք է գերազանցի 30-ն անկախ տարածքի մեծությունից:
Կաթոլիկ կազմակերպություններն այդ որոշման դեմ են ներկայացել՝ հայտարարելով, որ եկեղեցիները խանութներից ավելի կարեւոր են, որտեղ 8 քառակուսի մետր տարածքում թույլատրվում է մեկական այցելուի ներկայությունը:
