Հայաստանի ԱԻՆ-ում, այսօր՝ նոյեմբերի 30-ին, ժամը 11:58-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Ծովագյուղի մոտակայքում տեղի է ունեցել ՃՏՊ:
Դեպքի վայր է մեկնել ԱԻՆ ՓԾ մարզային փրկարարական վարչության հատուկ ջրափրկարարական ջոկատից մեկ մարտական հաշվարկ։
Պարզվել է, որ Ծովագյուղ-Ճամբարակ ավտոճանապարհի 1-ին կմ-ին «Opel Astra G» մակնիշի ավտոմեքենան (վարորդ` Արման Գ., ծնված 1985 թ․) դուրս է եկել ճանապարհի երթեւեկելի հատվածից եւ շրջվել:
Մինչ փրկարարների՝ կանչի վայր հասնելը վարորդը եւ ուղեւոր Մարտին Մ․-ն (ծնված 1998 թ.) ավտոմեքենայից դուրս են բերվել տեղի ուժերով եւ փրկարարական ավտոմեքենայով տեղափոխվել Սեւանի ԲԿ․ Մարտին Մ․-ն մահացել է, իսկ Արման Գ.-ի առողջական վիճակը բժիշկները գնահատել են բավարար։