News
Լրահոս
News
Երեքշաբթի
Մարտ 19
Տեսնել լրահոսը

Կորոնավիրուսի դեմ ամերիկյան Moderna ընկերության մշակած պատվաստանյութի արդյունավետությունը առաջին անալիզի ժամանակ 94,1% է կազմել, իսկ հիվանդության ծանր դեպքերում՝ 100%, հայտնում է РБК-ն։

Պատվաստանյութի փորձարկումներին մասնակցել է ավելի քան 30 000 կամավոր: Նրանցից 196 մարդ վարակվել է կորոնավիրուսով, նրանք 185 կամավորներ են, ովքեր պլացեբո են ստացել, եւ 11 կամավորներ, ովքեր պատվաստանյութ են ստացել: Այսպիսով, դեղամիջոցի արդյունավետությունը կազմել է 94,1%:

Moderna-ն նաեւ գնահատել է, թե ինչպես է իր պատվաստանյութը ազդում COVID-19-ի ծանր դեպքերի վրա: Ուսումնասիրության մասնակիցների շրջանում 30 մարդ հիվանդ է եղել կորոնավիրուսի ծանր ձեւով: Նրանք բոլորը եղել են այն խմբում, որոնք պլացեբո են ստացել: Պատվաստանյութ ստացած կամավորների շրջանում ոչ մեկը COVID-19-ի ծանր ձեւով չի հիվանդացել, ինչը խոսում է նման դեպքերում պատվաստանյութի հարյուր տոկոսանոց արդյունավետության մասին, նշել է ընկերությունը:

Պատվաստանյութի արդյունավետությունը կախված չէ տարիքից, ռասայից եւ սեռից, նշել է ընկերությունը: Պլացեբո ստացողների շրջանում մեկ մարդ է մահացել կորոնավիրուսից:

Moderna-ն նաեւ հայտարարել է, որ նոյեմբերի 30-ին ԱՄՆ-ում իր պատվաստանյութի կիրառման հայտ կներկայացնի: Այն պետք է ուսումնասիրվի Սննդամթերքի եւ դեղամիջոցների որակի վերահսկման վարչության (FDA) կողմից: Նախկինում Pfizer դեղագործական ընկերությունը, որը հաղորդում էր իր դեղամիջոցի 94% արդյունավետության մասին, ԱՄՆ-ում իր պատվաստանյութի գրանցման հայտ էր ներկայացրել:

Moderna-ն մի փոքր իջեցրել է կորոնավիրուսի դեմ իր պատվաստանյութի նախնական գնահատումը: Նոյեմբերի 16-ին նա հայտնել է, որ դեղամիջոցի արդյունավետությունը 94,5% է:

Moderna պատվաստանյութի մեկ դոզան կարժենա 25-37 դոլար, հայտնել է ընկերության գործադիր տնօրեն Ստեֆան Բանսելը: «Սա արդարացի գին է՝ հաշվի առնելով առողջապահական համակարգի համար COVID-19-ով ծանր հիվանդների բուժման ծախսերը: Մենք շահագրգռված չենք առավելագույն շահույթ ստանալ»,- հավելել է նա:

Եվրամիությունը Moderna-ի պատվաստանյութի 80 միլիոն չափաբաժին կգնի, Մեծ Բրիտանիան՝ 7 միլիոն: Դեղամիջոցի ամենամեծ գնորդը Միացյալ Նահանգներն է՝ նրանք նախապես 500 միլիոն դոզա են պատվիրել, հայտնում է Bloomberg-ը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
ԵՄ-ը կկորցնի 2,2 մլրդ դոլար COVID-ի դեմ ժամկետանց դեղամիջոցի պատճառով
Եվրոպան COVID-ի պատճառով կկորցնի 2,2 մլրդ դոլար...
Ամենաշատ