ՌԴ վարչապետ Միխայիլ Միշուստինը եւ ՀՀ վարչապետ Նիկոլ Փաշինյանը հեռախոսազրույց են ունեցել, որի ընթացքում քննարկել են Լեռնային Ղարաբաղում հետկոնֆլիկտային վերականգնման գործընթացում Ռուսաստանի մասնակցությունը, ներառյալ՝ տրանսպորտային հաղորդակցության եւ փախստականների խնդիրների լուծումը:
Ինչպես հայտնում է ՌԴ կառավարության մամուլի ծառայությունը, կառավարությունների ղեկավարները քննարկել են հայ-ռուսական առեւտրատնտեսական համագործակցության զարգացման հեռանկարները: Հատուկ ուշադրություն է հատկացվել Լեռնային Ղարաբաղում հետկոնֆլիկտային վերականգնման գործընթացում Ռուսաստանի մասնակցությանը, ներառյալ՝ տարածաշրջանում տրանսպորտային հաղորդակցության եւ փախստականների խնդիրների լուծմանը:
Միխայիլ Միշուստինը եւ Նիկոլ Փաշինյանն անդրադարձել են Եվրասիական տնտեսական միության շրջանակներում համատեղ աշխատանքի թեմային: