Անհետ կորած զինծառայողների ծնողները, որոնք առավոտյան հավաքվել էին Էջմիածնի զորամասի մոտ, այս պահին Հայաստանում ՌԴ դեսպանատան մոտ են, պատրաստվում են նամակով դիմել ռուսական իշխանություններին, որպեսզի օգնեն վերադարձնել իրենց որդիներին:
Ծնողներից մեկը լրագրողներին հայտնեց, որ հիմա սպասում են, որպեսզի ներսից որևէ մեկը գա ու վերցնի նամակը. «Միայն Ռուսաստանի նախագահը կարող է օգնել մեզ: Նիկոլ Փաշինյանն էլ ասել է՝ միայն Պուտինը: Ռուսաստանը պետք է լուծի այս հարցը»,-ասաց նա:
Մեկ այլ ծնող ասաց, որ արդեն 40 օր սպասում են, Հայաստանից որևէ օգնություն չկա, հիմա միակ հույսը Ռուսաստանն է. «Միգուցե այնտեղ խղճան մեր հայ ժողովրդին, մեր հայ բալաներին»:
Ավելի ուշ դեսպանատնից իջան աշխատակիցներ ու վերցրեցին նամակը՝ խոստոնալով ջանքեր գործադրել ու նշելով, որ կիսում են ծնողների ցավը:
