Սյունիքում ամեն ինչ նորմալ է. Սիսիանում եմ եղել, երեկ եմ եկել, մեր զորքերը եւ Ադրբեջանի զորքերը սահմանը գծելով գալիս են, հասել էին Կապան համայնքի տակը: Այս մասին, այսօր՝ դեկտեմբերի 1-ին, լրագրողների հետ զրույցում նշեց ԱԺ «իմ քայլը» խմբակցության պատգամավոր Կարեն Համբարձումյանը:
«Ոչ մի արտառոց դեպք կամ խուճապ չկա Սյունիքում: Ամեն ինչ նորմալ է»,-ասաց նա:
Հիշեցմանը, որ մարզպետ Հունան Պողոսյանը հրաժրականի դիմում է ներկայացրել, իսկ իր նշանակման ժամանակ վարչապետը հայտարարում էր, որ դա արվում է քրեաօլիգարխիկ համակարգի մեջքը կոտրելու համար, պատգամավորն արձագանքեց. «Իսկ այ երկու տարվա մեջ Սյունիքում քրեական միջադեպերի ականատես եղե՞լ եք: Ես չեմ տեսել այն ամենը, ինչ նախկինում տեղի էր ունենում Սյունիքում: Իհարկե, պարոն Պողոսյանը մթնոլորտը փոխել է»:
