News
Լրահոս
News
Չորեքշաբթի
Հունվար 20
USD
519.19
EUR
629.57
RUB
7.08
ME-USD
0.01
Տեսնել լրահոսը

Այս պահին Բերձորում ինչ-որ լուրջ խնդիր չկա, վտանգ չկա, ինքս այստեղ եմ, ինձ հետ միասին շատ այլ բնակիչներ եւս Բերձորում են։ Այս մասին NEWS.am-ի հետ զրույցում ասաց Բերձորի քաղաքապետ Նարեկ Ալեքսանյանը։

«Մենք մարդուն չենք ստիպել, որ ինքը դուրս գա, ինքն է իր անվտանգությունից ելնելով որոշակի ժամանակով տեղափոխվել, կամ էլ գույքն է տեղափոխել, ինքը մնացել, կամ էլ ավելի շուտ էր տեղափոխվել, ու այս օրերին վերադարձել է։ Հստակ հրահանգ չի եղել, որ Բերձորը պետք է ազատվի»,- ընդգծեց Նարեկ Ալեքսանյանը։

Քաղաքապետն ու Քաշաթաղի շրջանի վարչակազմի ղեկավարի ժամանակավոր պաշտոնակատար Մուշեղ Ալավերդյանը շարունակում են կատարել իրեն պարտականությունները։ Կրակի դադարեցումից հետո Բերձորը հսկում են ռուս խաղաղապահները։ Ըստ Նարեկ Ալեքսանյանի՝ երեկ նրանք ասել են, որ քաղաքում չպետք է լինի որեւէ երկրի դրոշ եւ Արցախի Հանրապետության դրոշը իջեցվել է։

Քաղաքապետի փոխանցմամբ՝ Բերձորում այս պահին ադրբեջանցի ոչ մի զինվորական չկա։ Նարեկ Ալեքսանյանը քիչ առաջ է Բերձորում մնացած բնակիչներից ոմանց հետ զրուցել, ասում է, որ նորմալ տրամադրություններ ունեին, ամբողջությամբ անվտանգ լինելու մասին, իհարկե, խոսք լինել չի կարող։

Ինչ վերաբերում է Աղավնո եւ Սուս բնակավայրերին, ապա ըստ Բերձորի քաղաքապետի՝ նույն վիճակն էլ այնտեղ է, ռուս խաղաղապահներն այնտեղ են, բնակիչներից ոմանք տեղափոխվել են, մնացածներն էլ շարունակում են ապրել։

Նշենք,  որ մի քանի օր է՝ ինչ բերձորցիները շտապում էին հավաքել իրենց իրերն ու հեռանալ այդտեղից, որովհետեւ չգիտեին՝ ում վերահսկողության տակ է լինելու քաղաքը դեկտեմբերի 1-ից։ Խոսակցություն կա, որ Բերձոր քաղաքի կառավարումը պետք է անցնի ադրբեջանցի քաղաքային նոր ղեկավարներին։ Այդ մասով պաշտոնական որեւէ հայտարարություն չի հնչել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ռազմագերիների հարցը Պուտինի կողմից Ալիեւին մի կոշտ զանգի հարց է. Հովհաննես Իգիթյան
Ռուսաստանն էլ երաշխավորող պետության պատասխանատվություն է վերցրել եւ պետք է լուծի...
Ադրբեջանի հետ ՀՀ սահմանների ճշգրտման գործընթացը չունի լեգիտիմություն եւ պետք է անհապաղ դադարեցվի կամ վերանայվի. ՄԻՊ
Այն ուղեկցվում է իրավունքի գերակայության եւ մարդու իրավունքների կոպիտ խախտումներով...
ՀՀ պետական սահմանի ողջ երկայնքով կայուն օպերատիվ իրավիճակը պահպանվել է, միջադեպեր չեն արձանագրվել. ՊՆ
ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահմանային իրավիճակը...
Արցախում 2021-ին սոցիալական պաշտպանության ոլորտին կտրամադրվի 31,5 մլրդ դրամ. դա 4,4 մլրդ-ով ավելի է 2020-ից. Թանդիլյան
ԱԺ սոցիալական և առողջապահության հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստ
ԱՍԱԼԱ-ն վերանայում է «մարտավարական դադար»-ի իր որդեգրած վարքագիծը․ հայտարարություն
Հայ ժողովրդի ներկայիս դիմագրաված դժնդակ եւ օրհասական պայմանները...
Ինչու՞ ունեցանք այսքան զոհեր կամ հնարավո՞ր էր խուսափել զոհերից. Արթուր Ղազինյան
Մի խոսքով, երկրորդ հայկական ցեղասպանություն եւ ազգային մեծ ողբերգություն...