News
Լրահոս
News
Չորեքշաբթի
Հունվար 20
USD
519.19
EUR
629.57
RUB
7.08
ME-USD
0.01
Տեսնել լրահոսը

ՀՀ գլխավոր դատախազ Արթուր Դավթյանն այսօր ընդունել է Հայաստանի Հանրապետությունում Իրանի Իսլամական Հանրապետության արտակարգ եւ լիազոր դեսպան Աբբաս Բադախշան Զոհուրիին:

Ողջունելով հյուրին՝ ՀՀ գլխավոր դատախազը նախ շնորհավորել է պարոն դեսպանին Հայաստանում ստանձնած բարձր եւ պատասխանատու առաքելության կապակցությամբ: Նա նշել է, որ ՀՀ-ի եւ ԻԻՀ-ի հարաբերությունները բոլոր՝ այդ թվում նաեւ իրավական գործակցության ոլորտում, գտնվում են բարձր մակարդակի վրա, ինչը հնարավորություն է տալիս երկու երկրների իրավապահ մարմինների միջեւ արդյունավետ եւ փոխադարձ վստահության հենքին սերտ շփումների ծավալմանը, առաջացող օպերատիվ խնդիրներին արագ եւ փոխշահավերտ արձագանքմանը:

ՀՀ գլխավոր դատախազն իր գոհունակությունն է հայտնել 2018թ. նոյեմբերին իր՝ ԻԻՀ կատարած այցի շրջանակում ձեռք բերված պայմանավորվածությունների, այդ այցի ընթացքում ՀՀ եւ ԻԻՀ դատախազությունների միջեւ ստորագրված 2019-2020թթ. համագործակցության ծրագրով նախատեսված կոնկրետ միջոցառումների կատարման ընթացքի ու արդյունքների առթիվ եւ ափսոսանք հայտնել կորոնավիրուսային համավարակի տարածման պատճառով ԻԻՀ գլխավոր դատախազ Մոհամադ Ջաֆար Մոնթազերիի՝ այս տարվա գարնանը Հայաստան նախատեսված այցի անհնար դառնալու կապակցությամբ:

Նա հույս է հայտնել, որ առաջիկայում, առաջին իսկ պատեհ հնարավորության  դեպքում այդ այցը կկազմակերպվի:

Պարոն Աբբաս Բադախշան Զոհուրին շնորհակալություն է հայտնել ջերմ ընդունելության համար՝ հաստատելով դեսպանատան պատրաստակամությունը շարունակելու ՀՀ գլխավոր դատախազության հետ ձեւավորված սերտ, անմիջական եւ խիստ արդյունավետ համագործակցությունը:

Հանդիպման ընթացքում քննարկվել են քրեական արդարադատության ոլորտում երկու երկրների միջեւ գործակցության զարգացմանը, միմյանց երկրներում ՀՀ եւ ԻԻՀ-ի քաղաքացիների, հատկապես՝ քրեական հետապնդման ենթարկվող անձանց, դատապարտյալների, մեղադրյալների քրեադատավարական, դատական իրավունքների պաշտպանությանը, թմրամիջոցների ապօրինի շրջանառության դեմ պայքարում երկու երկրների միջեւ առկա օրենսդրական իրավակարգավորումներից ածանցող խնդիրների լուծման նոր հնարավորություններին, ապօրինի միգրացիայի դեմ պայքարին առնչվող հարցեր:

Պարոն դեսպանը շնորհակալություն է հայտնել ՀՀ իրավասու մարմինների կողմից ԻԻՀ քաղաքացիների նկատմամբ դրսեւորվող վերաբերմունքի համար: Նա նաեւ վսհատություն է հայտնել, որ պատերազմական գործողությունների դադարից հետո իրավիճակի կայունացումը հնարավորութւոն կտա երկու երկրներին իրականացնելու նախատեսված համատեղ ծրագրերը՝ նշելով, որ Իրանը Հայաստանին մոտենում է որպես հին բարեկամի եւ «անվտանգ պատուհանի»:

ՀՀ գլխավոր դատախազը նշել է, որ պատերազմի ընթացքում Հայաստանն զգացել է բարեկամ Իրանի հավասարակշռված եւ ՀՀ-ի նկատմամբ հարգալից վերաբերմունքը, ռազմական գործողությունների դադարեցման ուղղությամբ ներդրած ջանքերը՝ բարձր գնահատելով հատկապես տարածաշրջան միջազգային ահաբեկչության ներթափանցման դեմ ԻԻՀ-ի սկզբունքային դիրքորոշումը: Արթուր Դավթյանն այս կապակցությամբ հավելել է, որ պատերազմի ընթացքին զուգահեռ իր կողմից Իրանի իր գործընկերոջը տեղեկացվել է ռազմական գործողությունների գոտում միջազգային ահաբեկչական խմբավորումների ներկայացուցիչների առկայության մասին՝ տրամադրելով դրանք հաստատող ապացույցներ եւ փաստական տվյալներ: Եվ մտահոգություն հայտնելով ՀՀ-ի եւ ԻԻՀ-ի սահմանների հարեւանությամբ միջազգային ահաբեկչության ռիսկերի մեծացման իրողությունների կապակցությամբ՝ Արթուր Դավթյանը կրկին պատրաստակամություն է հայտնել իրանական կողմի հետ ընդլայնելու եւ զարգացնելու ահաբեկության դեմ պայքարում երկկողմ համագործակցությունը:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը պատրաստ է աջակցել հայ-իրանական տնտեսական ծրագրերի և նախագծերի իրականացմանը. Իրանցի փոխնախարար
Հանդիպման ընթացքում ՀՀ դեսպանն իր զրուցակցին ներկայացրեց…
Իրանի կառավարության խոսնակը ամանորյա հայալեզու ուղերձ է հղել
Հուսով եմ, որ 2021 թվականը երջանկության և առողջության տարի լինի աշխարհի բոլոր մարդկանց համար...
Գործընթացները Սյունիքում կարող են դժվարություններ ստեղծել իրանահայաստանյան նախագծերի իրականացման հարցում
Մտահոգությունները կապված են այն բանի հետ, որ այսօր Նախիջեւանից ադրբեջանցիներն Իրանի տարածքով են Ադրբեջան գնում, իսկ Սյունիքի միջով միջանցքի հայտնվելով Իսլամական Հանրապետությունը կարող է զրկվել այդ տարանցիկ դերից...
Իրանում ՀՀ դեսպանը Իսլամական խորհրդի մեջլիսի 2 հայ պատգամավորների հետ քննարկել է Հայաստան-Իրան հարաբերությունները
Զրուցակիցներն անդրադարձան երկու երկրների միջխորհրդարանական կապերի ամրապնդման հարցերին...
Իրանի ազգային անվտանգության գերագույն խորհրդի քարտուղարն ու ՀՀ դեսպանը քննարկել են տարածշրջանային հարցեր
Շամխանին հայտնել է ԻԻՀ իշխանությունների պատրաստակամությունը Հայաստանի համար ներկա դժվարին պայմաններում...
Արմեն Գրիգորյանն Իրանի դեսպանի հետ քննարկել է տարածաշրջանային ռազմաքաղաքական անվտանգային իրավիճակը
ԱԽ քարտուղարը կարևորելով հայ-իրանական բարիդրացիական հարաբերությունները, ինչպես նաև հետպատերազմյան շրջանում…