News
Լրահոս
News
Չորեքշաբթի
Հունվար 20
USD
519.19
EUR
629.57
RUB
7.08
ME-USD
0.01
Տեսնել լրահոսը

Հավաքական անվտանգության պայմանագրի կազմակերպությունը (ՀԱՊԿ) մտադիր է ստեղծել մեխանիզմ` կենսաբանական անվտանգության ոլորտում սպառնալիքներին դիմակայելու համար: Այս մասին հայտարարել է Ռուսաստանի արտգործնախարար Սերգեյ Լավրովը՝ ՀԱՊԿ անդամ երկրների արտգործնախարարների խորհրդի (ԱԳՆԽ) առցանց ձեւաչափով նիստից հետո կայացած մամուլի ասուլիսում, փոխանցում է ՏԱՍՍ-ը:

«Մեծ ուշադրություն ենք դարձրել կենսաբանական անվտանգության ոլորտում սպառնալիքներին դիմակայելու մեր կարողության բարձրացման խնդիրներին: Այս առումով կան մի շարք առաջարկներ, որոնք այժմ քննարկվում են: Համոզված եմ, որ շուտով մենք ՀԱՊԿ շրջանակներում կձեւավորենք հատուկ մեխանիզմ, որը կքննարկի այդ սպառնալիքները եւ կմշակի հատուկ առաջարկներ դրանց կասեցման ուղիների վերաբերյալ»,- ասել է նա:

Ավելի վաղ ՌԴ Անվտանգության խորհրդի քարտուղար Նիկոլայ Պատրուշեւը ՀԱՊԿ երկրների Անվտանգության խորհուրդների քարտուղարների կոմիտեի նիստում առաջարկել է կենսաբանական անվտանգության ոլորտում փոխգործակցության հավաքական մոտեցումներ մշակել:

Ռուսաստանի ԱԳՆ ղեկավարը նշել է նաեւ, որ ռազմավարական կայունության ոլորտում պայմանավորվածությունները խզելու ուղղությամբ ԱՄՆ գործողությունները սպառնում են միջազգային անվտանգությանը: «Մենք այսօր աշխատում էինք համավարակային սահմանափակումների պայմաններում, բայց ՀԱՊԿ պետությունների հատուկ անվտանգ կապի օգտագործումը մեզ թույլ տվեց անկեղծորեն եւ վստահելիորեն փոխանակել կարծիքներ՝ միջազգային եւ տարածաշրջանային քաղաքականության բոլոր կարեւոր հարցերի շուրջ, քննարկել իրավիճակը տարբեր ճգնաժամային շրջաններում, հատկապես ՀԱՊԿ պատասխանատվության գոտու մոտակայքում»,- ասել է դիվանագիտական գերատեսչության ղեկավարը: «Իհարկե, մենք խոսեցինք ռազմավարական կայունության, այս ոլորտում բոլոր պայմանագրերի ամբողջական չեղարկման վերաբերյալ ԱՄՆ-ի գծի հետեւանքով ստեղծված սպառնալիքների մասին եւ խոսեցինք ահաբեկչության դեմ պայքարի մեր ընդհանուր աշխարհաքաղաքական տարածքում առաջադրանքների եւ այլ նոր մարտահրավերների ու սպառնալիքների մասին»:

Այս կապակցությամբ նախարարը ուշադրություն է հրավիրել այն փաստի վրա, որ հանդիպման մասնակիցները «հաստատել են ՀԱՊԿ 2021-2025 թվականների հակաթմրանյութային ռազմավարությունը՝ պետությունների ղեկավարներին ներկայացնելու համար»: «Նաեւ հայտարարություն կա Աֆղանստանի վերաբերյալ,- հավելել է նա: - Մենք դա ընդունել ենք նախարարների մակարդակով: Այն նաեւ հատուկ ուշադրություն է դարձնում ահաբեկչության եւ թմրանյութերի ապօրինի շրջանառության սպառնալիքների ճնշմանը, որոնք շարունակում են իրենց դրսեւորել Աֆղանստանի տարածքում եւ ուղղակիորեն սպառնալիք են ներկայացնում ԱՊՀ հարավային թեւի, առաջին հերթին՝ Կենտրոնական Ասիայի համար»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Զասն ամփոփել է տարվա արդյունքները. Հայատանը, Բելառուսն ու Ղրղզստանն ամրության փորձության են ենթարկվել
Ստանիսլավ Զասի խոսքով՝ այս բարդ տարվա ընթացքում ՀԱՊԿ անդամ երկրները ցուցաբերել են միութենական համերաշխություն, եւ փոխօգնություն դժվար, երբեմն նաեւ ողբերգական իրավիճակներում…
Հայկազ Բաղմանյանն ազատվել է ՀԱՊԿ միացյալ շտաբի պետի տեղակալի պաշտոնից
Հիմք ընդունելով վարչապետի առաջարկությունը` համաձայն Սահմանադրության…
ՀԱՊԿ-ում կան Ադրբեջանի հետ սերտ կապեր ունեցող երկրներ, ՀԱՊԿ-ին դիմեը կարող էր լինել անարդյունք. Ալեն Սիմոնյան
Պատերազմի ժամանակ Հայաստանը ՀԱՊԿ-ին չի դիմել, որովհետև Հայաստանն անդամակցում է ՀԱՊԿ-ին իր սահմաններում…
Զասի նամակի հրապարակումից հետո Նիկոլը ինքնակամ պետք է հանձնվի իրավապահ մարմիններին․ Գեղամ Նազարյան
Զգուշացրել են, իսկ Նիկոլը փաստորեն ոչ միայն չի լսել ՀՀ ԶՈՒ գլխավոր շտաբի պետ Օնիկ Գասպարյանի հունիսյան հորդորները, այլեւ արհամարհել է Ստանիսլավ Զասի նամակը…
ՀԱՊԿ-ի հրապարակված փաստաթղթերի մասին հրապարակումները Դատախազության կողմից ուղարկվել են ՀՀ ՀՔԾ
Այս մասին իր ֆեյսբուքյան էջում գրել է ՀՀ Գլխավոր դատախազի…
Դա լրիվ տեղավորվում է դավաճանության մեջ. Վազգեն Մանուկյանը՝ Միքայել Մինասյանի վերջին բացահայտման մասին
Ես էլ եմ կարդացել այդ լուրը, ինձ մոտ մեծ զարմանք…