News
Լրահոս
News
Երեքշաբթի
Մարտ 19
Տեսնել լրահոսը

Միացյալ Նահանգները պետք է օգնություն ցուցաբերեն հումանիտար ճգնաժամի մեջ հայտնված Լեռնային Ղարաբաղին: Նման կարծիք են հայտնել ԱՄՆ Կոնգրեսի Սենատի Արտաքին հարաբերությունների հանձնաժողովի ավագ դեմոկրատ Ռոբերտ Մենենդեսը (Նյու Ջերսիից) եւ սենատոր Ռոբ Փորթմանը (հանրապետական` ​​Օհայոյից) համատեղ հայտարարության մեջ, որը երեքշաբթի հրապարակել է դեմոկրատների մամուլի ծառայությունը, փոխանցում է ՏԱՍՍ-ը:

Նրանք կոչ են արել ԱՄՆ օրենսդիր մարմնի վերին պալատի հատկացումների կոմիտեին «ֆինանսավորում տրամադրել 2021 ֆինանսական տարվա հատկացումների վերջնական օրինագծի շրջանակներում (սկսվել է հոկտեմբերի 1-ից)` Հարավային Կովկասում շարունակվող մարդասիրական ճգնաժամի կարգավորման համար»:

Մենենդեսը եւ Փորթմանն «ընդգծել են ճգնաժամի ծանրությունը եւ ամերիկյան օգնության կարեւորությունը»: «Հարավային Կովկասում մարդասիրական իրավիճակը սարսափելի է, եւ ձմռանը մոտենալու հեը կվատթարանա»,- կարծում են սենատորները: Որպես օրինակ նրանք նշել են կորոնավիրուսի տարածումը, ինչպես նաեւ «վերջերս Թուրքիայի կողմից աջակցվող հակամարտությունն Ադրբեջանի եւ Հայաստանի միջեւ, որը երկարաժամկետ վնաս է հասցրել տարածաշրջանի ենթակառուցվածքին եւ Լեռնային Ղարաբաղի էթնիկ հայ բնակչության կեսից ավելիի, այդ թվում` կանանց եւ երեխաների տեղահանման է հանգեցրել», հայտնել են մամուլի ծառայությունում: «Մարտական գործողությունները գուցե եւ ավարտվել են, սակայն դրա հասցրած վնասը կշարունակի մարդկանց մահվան հանգեցնել միջազգային հանրության կողմից վճռական գործողությունների բացակայության պայմաններում»,- ասել են սենատորները:

«Լեռնային Ղարաբաղում վերականգնողական միջոցառումների հուսալի ֆինանսավորման մասին խնդրանքին զուգահեռ Մենենդեսը եւ Փորթմանը Սենատին խնդրել են նաեւ կոնկրետ միջոցներ տրամադրել ականների եւ չպայթած զինամթերքի [տարածաշրջանում] մաքրման համար: Դրա [ականազերծման] կարիքը զգալիորեն աճել է բռնության վերջին բռնկումից հետո»,- նշել են մամուլի ծառայությունում:

«ԱՄՆ-ն պետք է շարունակի մարդասիրական օգնություն տրամադրելու մեր երկար ավանդույթը նրանց, ով ամենից շատ դրա կարիքն ունի, օրինակ` հազարավոր էթնիկ հայերին, ովքեր ստիպված էին լքել իրենց տները կամ այլ կերպ են տուժել բռնությունից»,- կարծում են սենատորները:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թուրքիան 2020-ի Ադրբեջանի ագրեսիան անվանել է «հնարավորություն» խաղաղության և կայունության համար
Նրա խոսքով, կողմերը պայմանավորվել են խորացնել Թուրքիայի հաջող համագործակցությունը Ադրբեջանի և...
Երևանի և Բաքվի միջև միմյանց դեմ միջազգային դատական ​​հայցերը հետ կանչելու համաձայնություն չկա. Միրզոյան
Քննարկվում են տարբեր տարբերակներ...
Դպրոցներ կային՝ մեզ ագրեսիվ դիմավորեցին, մի տեղ ասացին՝ կարող ա դուք մուսուլման եք. զոհվածի հայր
Մենք 7 հոգանոց տարբեր խմբեր էինք կազմել, որպեսզի այցելենք դպրոցներ, սակայն…
Այս պահի դրությամբ 23 մարդ դեռեւս պահվում է անազատության մեջ Բաքվում. Արարատ Միրզոյան
2023 թվականի հենց առաջին օրից մենք արդեն ունենինք շատ կոնկրետ իրավիճակ՝...
«Փաշինյանը 2018–ին խոստացել էր վերադարձնել տարածքները».Ալիև
«Բայց, ցավոք, 2019-ին Հայաստանի նոր ղեկավարությունը բացարձակապես անընդունելի առաջարկներ արեց»․․․
Զոհված զինծառայողների ընտանիքները փոխնակ մոր ծառայությունից կարող են օգտվել նաև 2-րդ անգամ, եթե ընտանիքում կա 2 զոհված
Կառավարությունն իր այսօրվա՝ մարտի 14-ի նիստում ընդլայնեց զոհված...
Ամենաշատ