Տեղի մոտ 70 բնակիչներ բուժօգնության համար դիմել են Ստեփանակերտում տեղակայված Ռուսաստանի պաշտպանության նախարարության Հատուկ նշանակության բժշկական ջոկատի (ՀՆԲՋ) մասնագետներին։
Բնակիչների դաշտային հոսպիտալ դիմելու պատճառը կապված է հիմնականում սիրտ-անոթային եւ էնդոկրինային հիվանդությունների սրման հետ, դրանից բացի ռազմական բժիշկներին են դիմել ստոմատոլոգիական օգնություն ցուցաբերելու համար, փոխանցում են ՌԴ պաշտպանության նախարարությունից։
ՀՆԲՋ ստորաբաժանումների կազմում կան 100-ից ավելի ռազմաբժշկական մասնագետներ, այդ թվում՝ ռազմական վիրաբույժներ, անեսթեզիոլոգ-ռեանիմատոլոգներ, թերապեւտներ եւ համաճարակաբաններ։
Բժիշկները, միջին եւ կրտսեր բուժանձնակազմը մշտական պատրաստկանության վիճակում են՝ ցուցաբերելու առաջին բժշկական, որակյալ եւ մասնագիտացված բուժօգնություն։
Յուրաքանչյուր ՀՆԲՋ կազմի մեջ են մտնում լաբորատոր-ախտորոշման բաժանմունքը, որը կարող է օրական անցկացնել մինչեւ 80 ռենտգեն, ֆլյուրոգրական եւ ՈՒՁ հետազոտություններ, վիրակապարանը՝ օրական մինչեւ 40 պացիենտի վիրաբուժական օգնություն ցուցաբերելու հնարավորությամբ, ինչպես նաեւ վիրահատական-վերակենդանացման ախտորոշիչ մոդուլը՝ ինտենսիվ թերապիայի հիվանդասենյակով։
ՀՆԲՋ մասնագետները կազմակերպելու են խաղաղապահ զորախմբի բժշկական ապահովումը եւ անհրաժեշտ բուժօգնություն են ցուցաբերում Լեռնային Ղարաբաղի բնակչությանը։
Ռազմական բժիշկներն ավելի վաղ ռազմատրանսպորտային ավիացիայի Իլ-76 օդանավերով Խաբարովսկի օդանավակայաններից տեղափոխվել էին Հայաստանի Հանրապետություն, իսկ Երեւանից՝ Լեռնային Ղարաբաղ։
Արեւելյան ռազմական օկրուգի Հատուկ նշանակության բժշկական ջոկատը Լեռնային Ղարաբաղում տեղակայելու համար ընդհանուր տեղափոխվել է 122 զինծառայող, 54 միավոր ավտոմեքենա եւ հատուկ տեխնիկա, 66 տոննա նյութական միջոցներ։
