News
Լրահոս
News
Երկուշաբթի
Հունվար 18
USD
522.53
EUR
634.35
RUB
7.13
ME-USD
0.01
Տեսնել լրահոսը


Կասկածում եմ, որ ինչ-որ ժամանակ ԶՈւ ԳՇ պետն ասել է, որ պետք  է դադարեցնել պատերազմը, այն է՝ 4-րդ օրը: Այս մասին լրագրողների հետ ճեպազրույցում ասաց ԱԺ «Իմ քայլը» խմբակցության պատգամավոր Արմեն Խաչատրյանը՝ անդրադառնալով դիտարկմանը, թե Օնիկ Գասպարյանը հենց 4-րդ օրն ասել է, որ պետք է օր առաջ կանգնեցնել պատերազմը, որովհետև չենք կարող դիմակայել:

Ըստ Խաչատրյանի՝ դա կարծիքներից մեկն է. «Պետք է հաշվի առնել բոլոր կարծիքները, ԳՇ պետն ասում էր, մի շարք գեներալներ այլ բան էին ասում, պաշտպանության նախարարն այլ բան էր ասում: Ես չգիտեմ՝ ԳՇ պետը նման բան ասե՞լ է, թե՞ չէ, ես նաև կասկածում եմ դրան»,-ասաց նա:

Դիտարկմանը, թե դեռևս հունիսին ԶՈւ ԳՇ պետն է նշել, որ պետք է խուսափել պատերազմից, պատգամավորն արձագանքեց. «Դուք պատկերացնու՞մ եք՝ այդքան ռեսուրս ունենալով՝ հանձնվեինք, և այս նույն հողերը տայինք, ինչ կստացվեր: Մինչև վերջ կռվել ենք, դուք հիմա մեղադրում եք դավաճանության մեջ, բա որ չկռվեինք, հիմա ինչ կանեիք»:

Դիտարկմանը՝ այսինքն՝ ԳՇ պետը կե՞ղծ հայտարարություն է արել, Խաչատրյանն ասաց՝ չգիտի, կասկածում է:

Դիտարկմանը, թե վարչապետը հայտարարել է, որ դեռևս հոկտեմբերին ԱԽ, ԱԺ խորհրդի նիստերի ընթացքում ներկայացրել է, որ ռեսուրսի խնդիր կա, նրան հորդորել են կանգնեցնել պատերազմը, պատգամավորն ասաց, թե ինքը մինչև վերջին պահը հորդորել է, որ պետք է կռվել և հաղթանակ տանել:

Հարցին՝ ինչո՞ւ ենք ՌԴ նախագահին ուշ դիմել, պատգամավորն արձագանքեց, թե իր կարծիքով՝ վարչապետն ամեն օր կապի մեջ է եղել Պուտինի հետ: «Բոլոր ջանքերը գործադրվել են, որ գոնե հրադադար լինի: Երեք անգամ եղել է, և ով է խնդրել՝ Պուտի՞նը, իհարկե Նիկոլ Փաշինյանն է  խնդրել դիվանագիտական խողովակներով, որ գոնե հրադադար լինի 2-3 օր, հասկանանք՝ ինչ ենք անում»,-ասաց նա:

Պատգամավորը նաև նշեց՝ դասալիքները շատ-շատ են եղել, ինքն էլ անուն չի տալիս, քանի որ չի ուզում թշնամուն ուրախացնել. «Հնարավոր չէ և պետք էլ չէ դա հրապարակել»,-նշեց նա:

Ավելի վաղ NEWS.an-ը հայտնել էր, որ նոյեմբերի 17-ին, ՀՀ ԶՈՒ գլխավոր շտաբի պետ Օնիկ Գասպարյանը հանդես էր եկել ուղերձով, որտեղ նշել էր, որ պատերազմի 4–րդ օրը ԱԽ նիստին նշել է, որ 2–3 օրվա ընթացքում անհրաժեշտ է պատերազմը կանգնեցնել:

Պատերազմի 4–րդ օրը ԱԽ նիստին նշել եմ, որ 2–3 օրվա ընթացքում անհրաժեշտ է պատերազմը կանգնեցնել. Օնիկ Գասապարյան

Տպել
Կարդացեք նաև
Ամբողջը
Թաթոյանը գերիների վերադարձի ու նրանց իրավունքների պաշտպանության հարցով նամակով դիմել է Մինսկի խմբի համանախագահներին
ԵԱՀԿ գործող նախագահի անձնական ներկայացուցչին...
Արցախում բնակվարձերի փոխհատուցման չափը կազմում է մինչև 80 հազար դրամ
Ծրագրի իրականացումը ուժի մեջ է մտնում պայմանագիրն ստորագրելու օրվանից սկսած և գործում է անորոշ ժամկետով…
Ե՞րբ եք հետ բերում երեխեքին, պատասխանեք․ Արման Աբովյանը՝ իշխանությանը
Ձայններդ սկսել է դուրս գալ, ասում եք՝ ընդդիմությունը խնդիր է։ Ընդդիմությունը միշտ էլ լինելու է խնդիր, պատրաստ եղեք…
Տոնոյան. ադրբեջանցի զինվորականներն ավտոճանապարհին վարորդներին ժեստերով ցույց են տալիս, որ պատրաստվում են գլխատել նրանց
«Հասկանո՞ւմ եք, որ այս կառավարությունն իր առաջնորդի գլխավորությամբ արդեն սպառել է իրեն տրամադրված լեգիտիմությունն...
Տները կորցրած արցախցիները ցանկանում են վերադառնալ Արցախ եւ օգնություն են սպասում պետությունից
Արցախ վերադառնալ են ցանկանում նաեւ նրանք, որոնց տները մնացել են Ադրբեջանի օկուպացրած շրջաններում...
Խուճապի մի՛ մատնվեք․ ռազմամթերքի վնասազերծման ձայները լսելի կլինեն նաև Ստեփանակերտում
Պարզաբանումների և այլ տեղեկությունների համար կարող եք զանգահարել ԱԻ ծառայության ճգնաժամային կառավարման կենտրոն…