News
Լրահոս
News
Հինգշաբթի
Հունվար 21
USD
519.19
EUR
629.57
RUB
7.08
ME-USD
0.01
Տեսնել լրահոսը

Աղքատության մակարդակը Հայաստանում 2019-ին կազմել է 26.4%-ը: Վերջին մարդահամարի տվյալներով՝ ՀՀ բնակչության թիվը 2 մլն 924 հազար 816 է, այսինքն՝ աղքատ է համարվում 772 հազար 151 մարդ կամ գրեթե ամեն 4-րդ մարդը: Այս մասին տեղեկանում ենք ՀՀ վիճակագրական կոմիտեի՝ «Հայաստանի սոցիալական պատկերը եւ աղքատությունը, 2020» զեկույցից:

Աղքատ են համարվում այն տնային տնտեսությունները, որոնց սպառումը գտնվում է աղքատության գծից ներքեւ: Մասնավորապես, ՀՀ-ում տնային տնտեսությունների բարեկեցության մակարդակը որոշվում է մեկ չափահաս անձի հաշվով` ընդհանուր ամսական սպառման արժեքով:

2019-ից սկսած ՀՀ-ում հաշվարկվում է աղքատության չորս տարբեր գիծ՝ պարենային (ծայրահեղ) աղքատության գիծ, աղքատության ստորին գիծ, աղքատության վերին գիծ, աղքատության միջին գիծ, որն աղքատության ստորին եւ վերին գծերի միջինն է: Ելնելով աղքատության միջին գծից` աղքատության մակարդակը 2019-ին կազմել է բնակչության 26.4%-ը:

2019-ին աղքատության վերին, ստորին եւ ծայրահեղ աղքատության գծերը, ինչպես նաեւ աղքատության միջին գիծը, արտահայտված մեկ չափահաս անձի հաշվով, մեկ ամսվա համար գնահատվել են` համապատասխանաբար, 53 043 դրամ (110.3 ԱՄՆ դոլար), 35 054 դրամ (72.9 ԱՄՆ դոլար), 23 763 դրամ (49.4 ԱՄՆ դոլար) եւ 44 048 դրամ (91.7 ԱՄՆ դոլար):

Ըստ վերլուծության՝ ծայրահեղ աղքատ են համարվում ՀՀ բնակչության 1.4 %-ը կամ 40 հազար 947 մարդ: Այսինքն՝ այս խմբի մարդկանց մեկ ամսվա սպառումը չի գերազանցել 23 763 դրամը:

2018թ. արձանագրված 23.5% աղքատության ցուցանիշը, ըստ ՎԿ-ի՝ համեմատելի չեն նախորդ տարվա ցուցանիշների հետ, քանի որ զեկույցում ներկայացված է 2019 թվականի Տնային տնտեսությունների կենսապայմանների ամբողջացված հետազոտության (ՏՏԿԱՀ) տվյալների հիման վրա Հայաստանում աղքատության գնահատման նոր մեթոդաբանությունը։

2019 թվականի ՏՏԿԱՀ-ի տվյալների հիման վրա հաշվարկված աղքատության մակարդակների ցուցանիշները տարբերվում են 2009 թվականից ի վեր հաշվարկված համապատասխան ցուցանիշներից երեք առումով: Առաջինը՝ սպառման ագրեգացված ցուցանիշը հաշվարկվել է ՏՏԿԱՀ-ի վերանայված հարցաթերթի տվյալների հիման վրա, երկրորդ՝ ՏՏԿԱՀ-ում կիրառվել է տվյալների հավաքման նոր մեթոդ` պլանշետի միջոցով, եւ երրորդ՝ փոփոխվել են աղքատության գծերի հաշվարկման հիմքերը։

2019 թ. աղքատության հիմնական ցուցանիշների ինֆոգրաֆիկան՝ ստորեւ.

Տպել
Կարդացեք նաև
Ամբողջը
Իյա Մալկինա. Հայաստանում թուրքական ապրանքները կարող են փոխարինվել ԵՏՄ երկրների արտադրանքով
«Հնգյակի» երկրները կարող են պայքարել Հայաստանի շուկայում թափուր տեղի համար...
Վահան Քերոբյանը ծանոթացել է Հայաստանի ազգային ագրարային համալսարանում գիտահետազոտական աշխատանքներին
Այցի շրջանակում պաշտոնյաներին հանգամանորեն ներկայացվել են բուհում իրականացվող գիտահետազոտական աշխատանքներն ու ներդրված նորագույն տեխնոլոգիաները...
Դոլարի փոխարժեքը նվազել է. եվրոն թանկացել է
Թանկարժեք մետաղների համար բանկի կողմից սահմանվել են հետեւյալ գները …
«Զանգեզուրի պղնձամոլիբդենային կոմբինատը» եղել է ամենամեծ շահութահարկի գումար հայտարարագրած հարկ վճարողը. ՊԵԿ
2020-ին հանքարդյունաբերության ոլորտում փաստացի ակտիվ գործունեություն է ծավալել 9 ընկերություն
1000 խոշոր հարկ վճարողները հունվար-դեկտեմբերին վճարել են ավելի քան 987 մլրդ 637 մլն դրամ․ ՊԵԿ
Հարկային մարմին կատարված վճարումների գումարը կազմել է ավելի քան 788 մլրդ 131 մլն, իսկ մաքսային մարմին կատարված վճարումների գումարը կազմել է ավելի...
Հայաստանում նոր գազալցակայան բացելու համար անհրաժեշտ կլինին ստանալ առանձին թույլտվություն
Տեխնիկական անճշտությունների պատճառով, որ թողնվել էին օրենքը գրելիս, առաջացել էին որոշակի տարընթերցումներ...
Ամենաշատ
Ֆոտոռեպորտաժներ