2020 թվականը կդառնա ամենաշոգը երբեւէ գրանցվածներից եւ կարող է նույնիսկ գերազանցել 2016 թվականին գրանցված ռեկորդը: Այդպիսով, վերջին 6 տարիները՝ 2015-2020 թվական, կարելի է անվանել ամենաշոհգը 1850 թվականին ժամանակակից ռեկորդների գրանցման պահից ի վեր: Այս մասին հայտարարել է ՄԱԿ Համաշխարհային մետեորոլոգիական կազմակերպությունը 2020թ. գլոբալ կլիմայի վիճակի մասին նախնական զեկույցում:
«Ցավոք, 2020 թվականը դարձավ եւս մեկ անսովոր տարի մեր կլիմայի համար»,-ասել է կազմակերպության գլխավոր քարտուղար Պետերի Թաալասը:
«2020 թվականին միջին համաշխարհային ջերմաստիճանը 1,2 աստիճանով բարձր է եղել մինչարդյունաբերական մակարդակից»,-ասել է նա:
Վերջին 5 տարում եւ վերջին 10-ամյա շրջանում միջին ջերմաստիճանը «ամենատաքն են դիտարկումների ողջ պատմության մեջ»:
ՄԱԿ-ի գլխավոր քարտուղար Անտոնիու Գուտերիշը հայտարարել է, որ 2020 թվականի զեկույցում հստակ ասվում է, «թե որքան մոտ ենք մենք կլիմայական աղետին»: «Ապոկալիպտիկ հրդեհները եւ ջրհեղեղները, ցիկլոնները եւ փոթորիկները նոր նորմա են դառնում: Մարդկությունը պատերազմ է մղում բնության դեմ: Դա ինքնասպանություն է: Բնությունը միշտ պատասխան հարված է հասցնում եւ դա անում է աճող ուժով եւ կատաղությամբ»,-ասել է նա: