News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը

ԱՄՆ-ի մեգապոլիսներից մեկի` Լոս Անջելեսի իշխանությունները հայտարարել են պարտադիր մեկուսացման ներդրման մասին քաղաքի բոլոր բնակիչների համար` COVID-19-ով վարակման դեպքերի աճի պատճառով, ասվում է հրամանագրի մեջ, որում թվարկվում են նաեւ բազմաթիվ բացառությունները սահմանված միջոցառումներից, փոխանցում է «ՌԻԱ Նովոստի»-ն:

Լոս Անջելեսի քաղաքապետ Էրիկ Գարսետիի կայքում հրապարակված փաստաթղթի համաձայն` «քաղաքն այժմ մոտ է ջախջախիչ շրջադարձային կետին», որից հետո հոսպիտալացումների թիվը կսկսի գերազանցել հիվանդանոցային ֆոնդի կարողությունները: «Մեր քաղաքում COVID-19-ի տարածման վերաբերյալ այս տխուր փաստերը նշանակում են, որ մենք պետք է վերականգնենք գարնանը ներդրված ավելի խիստ սահմանափակումներից որոշները»,- ասվում է հրամանագրում:

Քաղաքապետի որոշմամբ` այս ամռան սկզբին ընդունված հրամանագիրը ժամանակավորապես փոխարինվում է մեկ այլ հրամանով, որն «անհրաժեշտ է Լոս Անջելեսի կյանքի եւ ունեցվածքի պաշտպանության համար», որն ուժի մեջ է մտնում անմիջապես:

«Լոս Անջելեսում բնակվող բոլոր անձինք պարտավոր են տանը մնալ»,- ասվում է հրամանում: Անօթեւանների համար իշխանությունները պետք է ժամանակավոր կացարան տրամադրեն: Բնակության վայրը կարելի է լքել միայն անհրաժեշտության դեպքում: Ըստ հրամանի` բոլոր ձեռնարկությունները եւ ընկերությունները, որոնք աշխատողների անձնական ներկայություն են պահանջում եւ որոնց վրա բացառությունները չեն տարածվում, պետք է դադարեցնեն իրենց գործունեությունը:

Սակայն հրամանը բացառությունների լայն ցանկ է նախատեսում: Մասնավորապես, բժշկական հաստատությունները, մթերային խանութները, բենզալցակայանները, ավտոմեքենաների նորոգման խանութները, ֆինանսական հաստատությունները եւ շատ այլ հաստատություններ կշարունակեն գործել: Քաղաքացիներն իրավունք ունեն օգտվել իրենց ծառայություններից` ըստ անհրաժեշտության եւ համաճարակաբանական միջոցառումների պահպանմամբ:

Ինչպես նշվում է, որոշման կանոնների խախտումը կարող է տուգանքի եւ նույնիսկ ազատազրկման հանգեցնել:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նիդեռլանդները Երկրորդ համաշխարհային պատերազմից հետո առաջին անգամ գիշերային պարետային ժամ կսահմանեն
Փոխզիջումային բանավեճի ժամանակ մեծամասնություն կազմող կուսակցությունները սատարել են պարետային ժամը երեկոյան 21:00-ին սկսելու փոխզիջումային առաջարկը․․․
Շրի Լանկան կրկին բացվել է օտարերկրյա զբոսաշրջիկների համար
COVID-19-ի տարածումը կանխելու համար նոր կանոնների համաձայն, զբոսաշրջիկները պետք է վիրուսի թեստ հանձնեն իրենց հայրենիքում․․․
Լիբանանը եւս երկու շաբաթով երկարաձգել է համազգային կարանտինը
Խիստ սահմանափակումները ներառում են շուրջօրյա պարետային ժամ եւ սահմանափակում են մթերքների գնումները՝ թույլ տալով միայն առաքում․․․
ԱՄՆ-ն կվերսկսի ԱՀԿ-ի ֆինանսավորումը
Բայդենը մտադիր է պատվաստել հաջորդ 100 օրվա ընթացքում 100 մլն մարդու...
Ինչ է անհրաժեշտ ցամաքային սահմանով ՀՀ տարածք մուտք գործելու դեպքում
Այն անձինք, որոնք կհրաժարվեն վերոհիշյալ կետերի կատարումից, կենթարկվեն պարտադիր մեկուսացման…
Կորոնավիրուսի դեմ պայքարը քննող հանձնաժողովը կսկսի աշխատանքը հունվարի 25-ին
«Պատերազմի պատճառով տվյալ հանձնաժողովի ձեւավորման գործընթացը հետաձգվել էր»,-ասաց Խաչատրյանը...
Ամենաշատ