News
Լրահոս
News
Ուրբաթ
Հունվար 22
USD
518.89
EUR
629.98
RUB
7.05
ME-USD
0.01
Տեսնել լրահոսը


Ընդդիմադիր 17 ուժերը նախօրեին հրավիրել են խորհրդի նիստ, որոշում են կայացրել, որ պետք է ստեղծեն «Հայրենիքի փրկության» ազգային շարժում, ընդլայնեն իրենց կազմը, այսօր գումարվեց «Հայրենիքի փրկության շարժման» խորհրդի նիստ, որը որոշում կայացվեց, որ  միասնական թեկնածուն Վազգեն Մանուկյանն է: Այս մասին այսօր՝ դեկտեմբերի 3-ին, լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը՝ հավելով, որ շաբաթ օրը հրավիրել են հանրահավաք, որտեղ Վազգեն Մանուկայնը հանդես կգա ելույթով:

Հարցին՝ ինչու Վազգեն Մանուկյանը, նա պատասխանեց. «Որովհետև Վազգեն Մանուկյանն իր անցած ճանապարհով, հմտություններով այն մարդն է, որ երկրին կբերի հանդարտություն, կայունություն, կկարողանա կազմակերպել առաջիկայում արտահերթ արդար, թափանցիկ ընտրություններ: Նա այն թեկնածուն է, որ այս պահին մեր երկրի առաջ կանգնած մարտահրավերները կարող է հաղթահարել, իր գլխավորությամբ գործող ժամանակավոր կառավարությունով»:

Իշխան Սաղաթելյանը հավելեց, որ շուտով հայտարարություն են տարածելու, բացի այդ բոլոր հարցերին մանրամասներով կպատասխանեն, առաջիկայում հրավիրվելու է մամուլի ասուլիս եւ ինքը որպես «Հայրենիքի փրկության շարժման» համակարգող բոլոր հարցերին կպատասխանի:

Իշխան Սաղաթելյանը տեղեկացրեց, որ Վազգեն Մանուկյանը ապագա արտահերթ ընտրություններին, որը պետք է կազմակերպվի, չի առաջադրվելու: «Հայրենիքի փրկության խորհրդի» կազմում են 17 կուսակցությունների ներկայացուցիչները և բազմաթիվ մտավորական, հասարակական, քաղաքական գործիչներ»,- ասաց նա և նշեց, որ որ իրենք ունեն ճանապարհային քարտեզ և առաջին հրատապ հարցն է, որ հեռացնեն ապազգային, չարիքի իշխանությանը, որ մեր երկրի առջև կանգնած հարցերը կարողանան լուծել:

Հարցին էլ՝ ի՞նչ են անելու, եթե Նիկոլ Փաշինյանը հրաժարական չտա, նա արձագանքեց. «Նիկոլ Փաշինյանը ստիպված է հրաժարական տալու, որովհետև այլ ճանապարհ չկա, նա պետք է հեռանա րոպե առաջ ու անցնցում: Նրա ամեն րոպե իշխանության մնալը հյուծում է  մեր երկիրը, պառակտում է մեր հասարակությանը, նոր անվտանգային խնդիրներ են կուտակվում»:

Սաղաթելյանի խոսքով՝ Փաշինյանի հեռանալու ճանապարհը հետեւյալն է. պետք է տեղի ունենա ԱԺ նիստ, որտեղ կքննարկվի Փաշինյանի պաշտոնանկության հարցը. կամ ինքնակամ հասկանա ու հեռանա, կամ ԱԺ-ն քննարկի պաշտոնանկության հարցը և ընտրի նոր ժամանակավոր թեկնածուի: «Հասարակական պահանջի ու ճնշման տակ քաղաքական մեծամասնությունը պետք  է գնա այդ տարբերակին»,- շեշտեց նա:

Իշխան Սաղաթելյանն ասաց, որ նախօրեին «Լուսավոր Հայաստանի» հետ ինքը քննարկում ունեցել է կապված վարչապետի միասնական թեկնածուի հետ եւ իրենց առաջարկությունը փոխանցել է նրանց. «Իրենց կարծիքը հարցրեք «Լուսավոր Հայաստանից», թող իրենք պատասխանեն: Ես վստահ եմ, որ ԱԺ-ում անհրաժեշտ քանակի ձայները կապահովվեն, որովհետեւ վստահ եմ, որ քաղաքական մեծամասնությունն այդ գիտակցություն ունի»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ»․«Դու ի՞նչ ես հասկանում պետական կառավարումից, բախտդ բերել է, եկել նստել ես էդ աթոռին»․ Ս.Օհանյանը՝ Փաշինյանին
Ինձ ֆեյքերը չեն վախեցնում, մենք պատերազմով անցած մարդիկ ենք...
«Հրապարակ». Վարչապետի խորհրդա­կանը ղեկավարելու է մեկ տասնյակ փոխնախա­րարի, ԱԱԾ տնօրենի տեղակալին, ԶՈՒ ԳՇ պետի տեղակալին
Այսօր արդեն պարզ է, որ այս կառա­վարությունում դա սովորական բան է...
«Հրապարակ». Պատերազմից հետո չի դիմացել, ազատվել է աշխատանքից
Ոչ միայն քաղաքական հայացքների անհամաձայնության, ընդհանուր երկրի, տնտեսության վիճակը, զոհերը, անորոշ ապագան աչքի առաջ ունենալով՝ ես որոշեցի այս քայլին գնալ...
«Ժողովուրդ». Ինչ գաղափարի շուրջ է ստեղծվում Հայկ Դեմոյանի կուսակցությունը
Արդեն բավականին թվով բարեկամներ, համակիրներ, ընկերներ տեղյակ են իմ նպատակների մասին: Իմ պարագայում դա պարտադրված որոշում է...
Համառոտ պատմական ակնարկ բոլոր նրանց համար, ովքեր անտեղյակ են Շուշիի պատմությանը. Սենոր Հասրաթյան
1916 թվականի տվյալներով Շուշին ուներ 43863 բնակիչ, որից 21926-ը՝ հայեր...
«Հրապարակ». Զորացրված զինծառայողների զինգրքույկներում համատարած «վարորդ» է նշվում, որ չօգտվեն արտոնություններից
Սա հատկապես արվում է, որպեսզի զինվորները, որոնք կարող են ապագայում ուսանող լինել, չօգտվեն ուսման վարձի 100 տոկոս փոխհատուցումից, որի վերաբերյալ կառավարությունը դեկտեմբերին որոշում ընդունեց...
Ամենաշատ
Ֆոտոռեպորտաժներ